Qazaqstan Prezıdenti Qasym-Jomart Toqaev О́zbekstan Prezıdenti Shavkat Mırzııoevti Táýelsizdik merekesimen quttyqtady. Bul týraly Aqorda habarlady.
Qasym-Jomart Toqaev Shavkat Mırzııoevke joldaǵan quttyqtaý jedelhatynda О́zbekstannyń táýelsizdik jyldarynda qol jetkizgen zor jetistikterin jáne kópǵasyrlyq dostyq pen ortaq tarıhqa negizdelgen qazaq-ózbek dıalogynyń qarqyndy damýyn atap kórsetti.
Memleket basshysy ekijaqty baılanystardyń jemisti sıpatyna erekshe mán berip, memleketter arasyndaǵy qarym-qatynastardyń damý qarqyny joǵary bolaryna senim bildirdi.
«Bizdiń birlesken jumysymyz baýyrlas elderimizdiń kópqyrly strategııalyq seriktestigin odan ári keńeıtýge kepil bolady dep senemin», – delingen jedelhatta.