Buryn habarlaǵandaı, Ishki ister mınıstrligi polısııa qyzmetkerlerine ala taıaqty qaıtarý týraly másele kóterdi, dep habarlaıdy QR IIM Baspasóz qyzmeti.
Osy jumys sheńberinde jurtshylyqtyń, júrgizýshiler odaǵy men kólik ıeleriniń pikirlerine taldaý júrgizildi, olar túngi ýaqyttarda jáne jol nashar kórinetin kezderi, ásirese:
- jol-kólik oqıǵalary kezinde kólik quraldaryn joldan alý jáne keptelisterde, sondaı-aq jol-jóndeý jumystaryna baılanysty ýaqytsha jol qozǵalysyna ózgertý kezinde;
- baǵdarshamdar isten shyqqanda, sondaı-aq tabıǵı jáne tehnogendik sıpattaǵy tótenshe jaǵdaılarda jáne olardyń saldarlarynyń aldyn alý kezinde jol qozǵalysyn retteý úshin ala taıaqtardy qaıtarý maqsatqa saı dep esepteıdi.
Jurtshylyq retteýshiniń nusqaýlary jol qozǵalysyna qatysýshylarǵa tıimdi jáne polısııa qyzmetkreleriniń qaýipsizdigin arttyrady dep atap ótti.
Sonymen birge IIM jol qozǵalysy tártibin buzý faktilerin anyqtaǵan kezde qoldanystaǵy tártip, ıaǵnı nusqaý qol arqyly beriledi nemese arnaıy jaryq-dybys sıgnaldary jáne daýystaǵysh qondyrǵy arqyly beriledi, bul rette ala taıaq qoldanylmaıdy.
Ala taıaqtardy qaıtarý prosedýrasy zańnamalyq ózgerister men olardy satyp alýǵa bıýdjettik shyǵyndardy qajet etpeıdi.
Aǵymdaǵy jylǵy 1 qyrkúıekten bastap ala taıaqtardy engizý josparlanýda.