31 tamyz kúni uıymdastyrylǵan Tour of Almaty-2019 velododasy aıaqtaldy. Jarys úshinshi jyl qatarynan eki kúnge jalǵasyp ótti. Birinshi kezeń «Indýstrıaldy parkte» ótip, 118 shaqyrymǵa sozyldy. Alǵashqy kezeń jeńimpazy – CCC Development Team komandasynyń shabandozy Patrık Shtoh.
Ekinshi taýly kezeńde shabandozdar 160 shaqyrym júrdi. Bul kezeń Tour of Almaty jarysynyń bet-beınesine aınaldy. «Halyq Arenadan» bastaý alǵan ekinshi kezeń Shyǵys aınalma joly arqyly ótip, ál-Farabı dańǵylyna keldi. SosynMustafın kóshesiniń mańyndaǵy aınalma joldan Halılın kóshesindegi kúrmeýge jetti. Sosyn 4,5 aınalymnan soń peleton Tuńǵysh Prezıdent saıabaǵynan «Medeý» muz aıdynyna qaraı fınaldyq bólimge ulasty.
Jarys barysynda shabandozdar birneshe márte shabýyldar jasap, qyzý básekege tústi. Sonyń eń mańyzdy tusy márege 2 shaqyrym qalǵanda oryn aldy. Astana Pro Team shabandozy Iýrıı Natarov Gazprom-RusVeloshabandozy Nıkolaı Cherkasov Amore&Vita-Prodir komandasynyń ókili Danılo Chelano úsheýi negizgi toptan sýyrylyp alǵa shyqty. Osy úshtik júldelerdi sarapqa saldy.
Chelano ekinshi kezeńniń jeńimpazy atansa (3:51:57), Cherkasov – ekinshi keldi (+0,01). Al Natarov úshinshi kelgenimen (+0,04) bir kún burynǵy jappaı sprınttegi ýaqytynyń arqasynda jalpy jarystyń jeńimpazy atandy. Otandasymyz Gazprom-RusVelo komandasynyń myqtysy Aleksandr Vlasovtan 26 sekýndqa, al Chelanodan 38 sekýndqa basym tústi.