«QazAvtoJol» ulttyq kompanııasy Qazaqstandaǵy avtomobıl joldaryndaǵy jaǵdaı týraly málimet berdi, dep habarlaıdy Egemen.kz.
2026 jylǵy 7 naýryz saǵat 08:30-degi jaǵdaı boıynsha, respýblıkalyq mańyzy bar kelesi avtojol ýchaskelerinde barlyq kólik túrleriniń qozǵalysyna ruqsat berilgen:
Aqtóbe oblysy:
«Aqtóbe – RF shekarasy (Álimbet ótkizý pýnkti)» 39–136 km (Sh. Qaldaıaqov aýyly – Álimbet shekaralyq beketi).
«RF shekarasy – Martýk – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» 776–1153 km (Aqtóbe qalasy – Yrǵyz kenti) – tek jeńil avtokólikter úshin.
Qostanaı oblysy:
«Qostanaı – Áýlıekól – Surǵan» 8–218 km (Tobyl qalasy – Oktıabrskoe aýyly).
«Astana – Atbasar – Jaqsy – Rýzaevka – Sarykól – Qostanaı – RF shekarasy» 418–539 km (Qarabalyq kenti – Qostanaı qalasy).
«Qostanaı – Rýdnyı – Denısovka – Komsomolskoe – Qarabutaq» 234–549 km (Aqtóbe oblysy shekarasy – Qostanaı qalasy).
«Denısovka – Jitiqara – Múktikól – RF shekarasy» 0–50 km (Denısovka kenti – Jitiqara qalasy).
«Denısovka – Tavrıcheskoe – Arshaly – Komarovka» 0–56 km (Denısovka kenti – RF shekarasy).
«Qostanaı – Mamlıýtka» 180–403 km (SQO shekarasy – Tobyl qalasy).
«Astana – Atbasar – Jaqsy – Rýzaevka – Sarykól – Qostanaı – RF shekarasy» 555–682 km (Tobyl qalasy – Sarykól kenti).
Soltústik Qazaqstan oblysy:
«Qostanaı – Mamlıýtka» 226–305 km (Qostanaı oblysy shekarasy – Presnovka aýyly).
Qaı joldar jabyq?
7 naýryz kúni saǵat 10:30-dan bastap kelesi baǵyttar boıynsha kólik qozǵalysy toqtatyldy:
Aqmola oblysy boıynsha:
«Astana – Atbasar – Jaqsy – Rýzaevka – Sarykól – Qostanaı – RF shekarasy» tas jolynyń 346-407 shaqyrym aralyǵy (Jaqsy aýylynan SQO shekarasyna deıin).
Soltústik Qazaqstan oblysy boıynsha:
Dál osy tas joldyń 407-429 shaqyrym aralyǵy (Chıstopol aýylynan Aqmola oblysynyń shekarasyna deıin).
Mamandardyń aldyn ala boljamy boıynsha, atalǵan ýchaskelerde qozǵalys 8 naýryz kúni saǵat 09:00-de ashylýy tıis. Alaıda bul ýaqyt aýa raıyna baılanysty ózgerýi múmkin.
Aıta keteıik, sınoptıkter Qazaqstannyń kóp bóliginde daýyldy eskertý jarııalady. El aýmaǵynda jańbyr men qar aralas jaýyn-shashyn jáne tuman kútiledi.