Munaıly óńir komandasynyń bas bapkeri laýazymyna Vladımır Chebýrın tańdaldy, dep habarlaıdy Egemen.kz.
Jergilikti fýtbol klýbynyń baspasóz qyzmetinen málim etkendeı, qazaqstandyq maman eńbek jolyn Qaraǵandynyń «Shahtıor» klýbynda oıynshy bolyp bastaǵan.
«2009 jyly «Shahtıor» klýbyn el chempıonatynyń qola júldesine jetkizip, Qazaqstan Kýbogynyń fınalyna shyǵardy. Keıin «Oqjetpes» klýbyn qaıtadan Premer-lıgaǵa alyp shyqty. Halyqaralyq deńgeıde de úlken jetistikterge qol jetkizdi. Onyń jetekshiligimen Lıtvanyń «Sýdýva» klýby úsh ret el chempıony atandy. Atalǵan komanda Eýrokýboktarda sátti óner kórsetip, ÝEFA týrnırleriniń pleı-off kezeńine deıin jetti», dep habarlady klýbtyń baspasóz qyzmeti.
Ol jattyqtyrǵan Lıtvanyń «Jalgırıs» klýby úsh márte el chempıony, eki márte Lıtva Kýbogynyń jeńimpazy atanǵan. Osyndaı jetistikteri úshin Vladımır Chebýrın Lıtvada úsh ret «Jyl bapkeri» ataǵyn ıelengen.
Eske sala ketelik, budan buryn «Atyraý» fýtbol klýbynyń bas bapkeri qyzmetinen ketkenin habarlaǵan edik.