Aqtóbe oblysynyń Tilderdi damytý basqarmasy Sıfrlyq damý, ınnovasııalar jáne aeroǵarysh ónerkásibi mınıstrligi men Mádenıet jáne sport mınıstrligiiń tapsyrmasyn iske asyrý maqsatynda qazaq tili álipbıin latyn grafıkasyna kóshirý jumystary aıasynda latyn grafıkasynda ázirlengen klavıatýralardy aprobasııadan ótkizdi.
Aprobasııa jumystary oblysta aǵymdaǵy jyldyń 19-tamyzynan bastaldy. Synama Tilderdi oqytý ortalyǵynyń bazasynda uıymdastyryldy.
Aprobasııaǵa ártúrli sala ókilderi qatysty. Atap aıtqanda, memlekettik qyzmetkerler, jeke kásipkerler, bilim men mádenıet salasy, áskerı jáne quqyq salalary, bank qyzmetkerleri, IT-mamandary, barlyǵy 627 adam synama jumystaryna qatysyp, klavıatýralardy jumys barysynda paıdalanýdyń tıimdiligin anyqtady.
Sondaı-aq aprobasııaǵa basqarma men tilderdi oqytý ortalyǵynyń áleýmettik jelidegi aqparattarynan habarlanyp, óz yntasymen synama jumystaryna qatysqan turǵyndar da bar. Bul latyn grafıkasyndaǵy jańa álipbıge degen oblys turǵyndarynyń oń kózqarasta ekenin bildiredi.
Synama jumystaryna qatysqandardyń basym bóligi – jastar (21-40 jas aralyǵy).
Aprobasııaǵa qatysqan respondentter klavıatýra boıynsha kezdesken kemshilikter týraly óz usynystaryn bildirdi. Usynystar óz kezeginde tynys belgileri men jıi qoldanylatyn áripterdiń ornalasý retine baılanysty keltirilgen.
Jalpy synama jumysyna qatysqandar klavıatýrany negizinen yńǵaıly dep tapty. Klavıatýrany jetildirý boıynsha usynystar Qazaqstan Respýblıkasy Sıfrlyq damý, ınnovasııalar jáne aeroǵarysh ónerkásibi mınıstrligine joldandy.