Azamattardyń ótinishterine jedel jaýap berý maqsatynda «Nur Otan» parlamenttik fraksııasynyń depýtattary Respýblıkalyq qoǵamdyq qabyldaý bólmesinde aptasyna eki ret azamattardy jeke qabyldaý ótkizedi.
«Nur Otan»-nyń Saıası keńesiniń keńeıtilgen otyrysynda Elbasy, partııa Lıderi Nursultan Nazarbaev partııanyń kúndelikti jumysyn túbegeıli qaıta qurýdy, sondaı-aq Májilistegi parlamenttik fraksııanyń jumysyn kúsheıtýdi tapsyrdy. Azamattardyń barlyq syndarly ótinish-tilekterin jedel ári tıimdi qarastyratyn «Halyq únine qulaq asatyn memleket» tujyrymdamasyn júzege asyrý qajettiligi týraly el Prezıdenti Qasym-Jomart Toqaev óziniń Qazaqstan halqyna Joldaýynda da aıtty.
«Nur Otan» partııasynyń atynan saılanǵan halyq qalaýlylary el turǵyndarymen Májilistiń búkil sessııasy barysynda kezdesetin bolady. Depýtatqa óz suraǵyn nemese ótinish-tilegin joldaý úshin ózge óńirlerdiń turǵyndaryna Respýblıkalyq qoǵamdyq qabyldaý bólmesine kelý mindetti emes. Ol úshin «Nur Otan» partııasynyń kez kelgen aımaqtyq fılıalyna kelip, sol jerden beıne baılanys arqyly depýtatqa ózderin mazalap júrgen saýaldaryn joldaı alady.