Premer-Mınıstr Keńsesiniń shtattyq kestesine ózgerister engizildi. Premer-Mınıstrdiń Baspasóz qyzmetiniń basshysy – baspasóz hatshysy laýazymy Qazaqstan Premer-Mınıstriniń Baspasóz qyzmetiniń basshysy jáne Premer-Mınıstrdiń keńesshisi – baspasóz hatshysy laýazymdaryna bólindi. Bul týraly Premer-Mınıstrdiń baspasóz qyzmeti habarlady.
Sadyq Ákijanov 1984 jyly Pavlodar qalasynda týǵan. Ál-Farabı atyndaǵy Qazaq ulttyq ýnıversıtetin jýrnalıstıka mamandyǵy boıynsha támamdaǵan.
Eńbek jolyn 2006 jyly bastaǵan. Ár jyldary Qazaqstan Respýblıkasy Prezıdenti mádenıet ortalyǵynyń «Prezıdenttik ınstıtýtynyń» ǵylymı qyzmetkeri (Astana q.), Qorshaǵan ortany qorǵaý mınıstrliginiń Ekologııalyq saıasat jáne turaqty damý departamentiniń bas sarapshysy, «Qazaqstan Respýblıkasynyń Ekologııalyq aýdıtorlary ulttyq palatasy» kásibı aýdıtorlyq uıymynyń ekonomıkalyq máseleler jáne BAQ-pen baılanys jónindegi menedjeri, «QazAqparat» HAA tilshisi qyzmetterin atqardy.
2014 jylǵy qyrkúıek aıynan bastap qazirgi deıin «QazAqparat» HAA Beıjiń qalasyndaǵy tilshiler qosynyn basqardy, Shanhaı yntymaqtastyq uıymynyń baspasóz klýbynyń vıse-prezıdenti bolyp saılandy. «Aqparat salasynyń úzdigi» tósbelgisimen marapattalǵan. Qazaq, orys, aǵylshyn jáne qytaı tilderin meńgergen.