«Ispanııa Výeltasy» velokópkúndiginiń kezekti 11-shi kezeńi 180 shaqyrymdyq Sen-Pale – Ýrdaks-Dancharınea aralyǵyn jalǵady. Bul kezeńde pelotonnan qara úzip ketken top ózara jeńimpazdy anyqtady.
Pelotonnan bólinip shyqqan 13 veloshabandozdyń arasynda «Astana» velokomandasynyń ókili Gorka Isagırre de boldy. Máre syzyǵyna 30 shaqyrym qalǵanda ıspanııalyq sportshy Mıkel Itýrrııa (Euskadi – Murias) shabýylǵa shyqty. Jarys sońyna deıin basymdyǵyn saqtap, kezeń jeńimpazy atandy. Al Gorka Isagırre Itýrrııadan 12-sekýnd artta qalyp, básekeni 9-orynmen aıaqtasa, «Astananyń» kapıtany Mıgel Anhel Lopes márege negizgi toppen birge jetti.
Jalpy, kezeńniń qorytyndysy boıynsha, slovenııalyq veloshabandoz Prımoj Roglıch (Lotto NL-Jumbo) kósh bastap keledi. Ekinshi orynda Roglıchten 1 mınýt 52 sekýnd artta qalyp qoıǵan Alehandro Valverde (Movistar) ornalassa, «Astana» ókili Mıgel Anhel Lopes (+2,11) úzdik úshtikti qorytyndylap tur.