Aqtóbe qalasynda Qazaqstan Respýblıkasy Qorǵanys mınıstri men Aqtóbe oblysynyń ákimshiligi jáne «Jas Sarbaz» Respýblıkalyq qoǵamdyq birlestigi arasynda Memorandýmǵa qol qoıyldy. Bul týraly Qorǵanys mınıstrliginiń baspasóz qyzmeti habarlady.
Memorandýmǵa Qorǵanys mınıstri Nurlan Ermekbaev, Aqtóbe oblysynyń ákimi Ońdasyn Orazalın jáne «Jas sarbaz» uıymynyń tóraǵasy aǵa leıtenant Meıirbek Meńdiǵalıev qol qoıdy.
Saltanatty shara sońynda Qorǵanys vedomstva basshysy ákimge tós belgi men Aqtóbe oblysyboıynsha «Jas sarbaz» respýblıkalyq qoǵamdyq birlestigi fılıaly óńirlik úılestirý keńesiniń qurmetti tóraǵasy kýáligin tabys etti.
Memorandým Qazaqstandaǵy jastar qozǵalysynyń damýyndaǵy kezekti qadam retinde jastardyń bastamalaryn qoldaýǵa, patrıotızmdi arttyrýdaǵy ózara yntymaqtastyqqa, sondaı-aq áskerı-patrıottyq is-sharalardy josparlaý men ótkizýge keńestik jáne ádistemelik kómek kórsetýge yqpal etedi.
Qorǵanys vedomstvasy men jergilikti atqarý organdarynyń arasyndaǵy yntymaqtastyqjastarǵa áskerı-patrıottyq tárbıe berý aıasyndauıymdyq-ádistemelik, aqparattyq jáne mádenı ózara is-qımylda jańa deńgeıge kóteredi.
Memarandým sheńberinde birshama tapsyrmalar anyqtalǵan. Birlesken forým, aksııalar, áskerı-patrıottyq jıyndar men semınarlar uıymdastyrý, baǵdarlamalar men jobalardy júzege asyrý josparlanýda.
Qazirgi tańda yntymaqtastyq týraly memorandým Nur-Sultan, Almaty, Shymkent, sondaı-aq Qyzylorda, Qaraǵandy, Jambyl, Batys Qazaqstan oblystarynyń ákimderimen qol qoıylǵan. «Jas sarbazdyń» óńirlik fılıaldary Qazaqstannyń barlyq oblystarynda qyzmet atqarýda.