Qazaqstandyq Avangar toby kıbersporttan Germanııa astanasynda ótken «StarLadder Berlin Major 2019» jarysynyń grand-fınalynda ekinshi orynǵa ıe boldy.
«Biz týrnırdi kýbokqa bir qadam jetpeı, ekinshi orynda aıaqtadyq. Berlin Major jarysynda kórsetken oıynymyzben maqtanamyz. Qoldaýlaryńyzǵa rahmet, biz mindetti túrde jańa kúshpen qaıta oralamyz. Alǵa Avangar!», dep jazdy Instagram-daǵy resmı paraqshasynda.
Counter Strike: Global Offensive oıyny boıynsha iri chempıonatta qazaqstandyq quram ekinshi orynǵa turaqtap, 150 myń dollar kóleminde júlde aldy. Al týrnırdiń absolıýtti jeńimpazy atanǵan dat oıynshylary 500 myń dollar utyp aldy.
Jarys 23 tamyz - 8 qyrkúıek aralyǵynda Berlınniń «Mersedes-Bens Arena» stadıonynda ótti. Týrnırde 24 komanda 1 mln dollar kóleminde júlde qoryn sarapqa saldy.