NUR-SULTAN, 2019 jylǵy 2 qazan - Jobanyń barlyq kezeńderin jedel úılestirý úshin Tokyo Rope japondyq ınvestor Atyraý qalasynda ókildigin ashty. Oral ózeniniń jaǵalaý jıegin nyǵaıtý jónindegi jobany kompanııa aldyńǵy qatarly tehnologııalardy paıdalana otyryp iske asyrmaq. Bul týraly Syrtqy ister mınıstrliginiń baspasóz qyzmeti habarlady.
«KAZAKH INVEST» UK» AQ Atyraý oblysy Mahambet aýdanyndaǵy Oral ózeniniń jaǵalaý jıegin nyǵaıtýǵa baǵyttalǵan ınvestısııalyq jobany súıemeldeýdi qamtamasyz etti. Jyl saıyn jaǵalaý jıegi qarqyndy shaıýǵa ushyraıdy. Sońǵy 10 jylda ózen jaǵalaýy 10 metrge deıin yǵystyryldy, onyń odan ary buzylýy eldi meken qurylystary úshin qaýip tóndirýi múmkin. Atalmysh kompanııanyń ashylý saltanatynda kompanııa ókilderi jaǵalaýdyń shaıylýyn japondyq mamandardyń tájirıbesin qoldaný arqyly jol bermeý josparlanyp otyrǵanyn, Oral jaǵalaýyn nyǵaıtý Rock Box gabıon – ozat tehnologııalardy paıdalanyp iske asyrylatynyn atap ótti.
Sheteldik ınvestorlar elge ınvestısııasyn tartýdyń biryńǵaı operatory - «KAZAKH INVEST» UK» AQ qoldaýymen óz qatysýyn damytady jáne Qazaqstanda jobalar ázirleıdi. Osyǵan deıin, japondyq kompanııa Almaty qalasyndaǵy Esentaı ózeniniń jaǵalaý jıegin nyǵaıtýǵa qolǵabys bildirdi. Kompanııa mamandary álem boıynsha sel, kóshkin, opyrylý jáne tasqulamaǵa qarsy qorǵanys qurylǵylar qurý jóninde birqatar joblardy iske asyrýǵa qatysty.
Atyraý oblysynyń ákimi Nurlan Noǵaev Tokyo Rope basshylyǵyn jobany iske asyrýǵa qyzyǵýshylyq tanytqany úshin alǵys aıtyp, uzaqmerzimdi seriktestikke senim bildirdi. «Ǵasyrlyq tarıhymen belgili kompanııa búkil álemge óziniń ozyq tehnologııalarymen tanymal. Qazaqstannyń birinshi Prezıdenti – Elbasy Nursultan Nazarbaev Japonııaǵa sapary barysynda Tokyo Rope kompanııasynyń basshylyǵymen kezdesip, japon bıznesiniń bizdiń elge kelýine bastamashy boldy dep atap ótkim keledi. Kompanııa Almaty qalasynda óz jobasyn sátti iske asyrdy, endi Atyrýda óz ókildigin ashýda. Jaqyn arada biz birlesip óńir úshin mańyzdy jobalardy iske asyrýdy josparlaýdamyz. Bul jaǵalaýdy nyǵaıtý jumystary, medısınalyq ortalyq ashý jáne mashına jasaý sektorynda da qyzyǵýshylyqtar bar. Memleket basshysy sheteldik ınvestısııalardy tartý úshin barlyq qolaıly sharttardy qurýdy tapsyrǵan bolatyn. Atalǵan tapsyrmalar sheńberinde Atyraý oblysynda jemisti jumystar júrgizilýde. Qazirgi ýaqytta óńirde sheteldik qatysýy bar myńnan astam kompanııalar sátti qyzmet etýde. Álemdik kompanııalardyń zamanaýı tehnologııalaryn tartý arqyly, qazaqstandyq mamandar sapasy joǵary deigeıdegi taýarlar óndirýde»,- dep atap ótti óńir basshysy.
Jospar boıynsha qorǵanys qurylǵysynyń jalpy uzyndyǵy 4,5 m jýyq. Joba memlekettik-jeke menshik áriptestik sharttarymen iske asyrylady. Búgingi kúni joba boıynsha Jol kartasy kelisildi jáne jobalyq-smetalyq qujattamany ázirleý jáne saraptaý jumystary aıaqtalýda. Qurylys jumystary 2020 jyly bastalmaq. Jumystar metalldan jasalǵan beriktigi joǵary torlar men panelder óndirisi jónindegi «Tokyo Rope Almaty» zaýytynda Qazaqstanda daıyndalǵan ónimderdi paıdalana otyryp júrgiziledi.
«Atyraý oblysy qandaı ekonomıkalyq áleýetke ıe ekenine taldaý júrgizdik. Bul damýshy óńir. Biz atalǵan óńirge ózimizdiń joǵary tehnologııalarymyzdy tartýǵa jáne birneshe jobany iske asyrýǵa qyzyǵýshylyǵymyz bar. Oladyń birinshisi – jaǵalaý nyǵaıtý jumystary, ekinshi joba – medısınalyq ortalyq», - dedi Tokyo Rope prezıdenti Sato Kadzýnorı.
«Atalǵan jobanyń óńir úshin ómirlik mańyzy bar. Obektini sátti qurǵan jaǵdaıda, ınvestorlar oblysta óziniń bolýyn keńeıte alady. Tokyo Rope Atyraý oblysyndaǵy jobasy Japonııanyń basqa ınvestorlary úshin Qazaqstanmen seriktestikti jetildirýge serpilis beretinine senimdimiz. О́z kezegimizde biz áleýetti salalarǵa resýrstar ınvestısııalaýǵa nıet bildirgen sheteldik kásiporyndarǵa tolyq keńestik qoldaý men súıemeldeýdi kórsetemiz», - dep atap ótti Atyraý oblysy boıynsha «KAZAKH INVEST» UK» AQ ókildiginiń óńirlik dırektory Erjan Kólbaev.
Tehnologııa ekologııalylyǵymen erekshelenedi, máselen, betonǵa qaraǵanda gabıon sýdy ótkizedi jáne sýat ylǵalmen qamtamasyz etiledi. Budan basqa, birneshe jyl boıy keńistik qurylǵyny nyǵaıtatyn jáne onyń ósimdikpen jabylýyna jaǵdaı jasaıtyn topyraqpen toltyrylýda. Sarapshylardyń pikirinshe, atalǵan tehnologııa betonǵa qaraǵanda ekologııaly. Qala jaǵdaıynda gabıonnyń qyzmet etýiniń kepildik merzimi 70 jylǵa jýyq.