Mekenjaı anyqtamasy kúshin joıady

Aıta ketetini, jyl saıyn ha­lyqqa qyzmet kórsetý ortaly­ǵy­na 4,5 mıllıonnan astam meken­jaı anyqtamasyn alýǵa óti­nish ja­salatyn kórinedi. Bul aqparat ju­mysqa ornalasý, mektepke, bala­baqshalarǵa jáne medısınalyq me­kemeler­ge resimdeý kezinde talap eti­lip kelgen edi. Bul týraly Astana Hub-ta ótken «Sıfrlyq kúz» sharasynda keńinen atalyp ótti. Sonymen qatar Sıfr­lyq damý, ınnovasııalar jáne aeroǵarysh ónerkásibi mınıstri Asqar Juma­ǵalıev osy jyldyń kúzinen bastap eGov-tyń jańartylǵan mobıl­dik qoldanbasynyń zamanaýı múm­kindikteri jaıly sóz qozǵady.

«Biz memlekettik qyzmet­terdi mobıldi túrde alýǵa basa kóńil bólip otyrmyz. О́ıtkeni búgingi kúni azamattardyń bárinde smartfon bar. Sol sebepti, eGov-tyń mobıldik qosymshasyn jańartý ju­mys­tary bastalǵan kezde, árip­­testerime, eń birinshi kezekte, bul qosymshany ózderińizdiń analaryńyz paıdalana alatyndaı etip jasańyzdar dep usyndym. О́ıtkeni qosymsha qyzmetti ońaı ári jyldam alý úshin ol óte yńǵaıly bolýy kerek», dedi A.Jumaǵalıev.

Mınıstrdiń aıtýynsha, jańa qoldanbanyń kómegimen qyzmetti saýsaqpen bir basý arqyly alýǵa bolady. Mobıldi qoldanbanyń Beta-nusqasy PlayMarket jáne AppStore-de jaqyn bolashaqta qoljetimdi bolmaq. Onyń kómegimen 23 qyz­metti alýǵa, ESQ-ǵa ótinim berýge jáne onyń áreket etý merzimin uzar­týǵa bolady.

«Ulttyq aqparattyq tehnolo­gııa­lar» AQ basqarma tóraǵasy Áset Turysov mobıldi qosymshany ázirleýshiler elektrondy sıfrlyq qoltańbany paıdalanýdy barynsha halyqqa yńǵaıly ári úırenshikti etip jasaǵanyn aıtty.

«Jańa mobıldi qoldanbany paıdalaný úshin azamat ESQ-ny asa qajet etpeıdi. Biz bárimiz tele­fonnyń qulpyn saýsaq izimen ne­mese FaceID arqyly ashýdy ádet­ke aınaldyrdyq. Dál solaı osy qosymshada ESQ-ny bıo­me­­trııańyzǵa baılap, qyzmetke tap­syrys bergen kezde ózińizdiń TouchID nemese faceID arqyly su­raýyńyzdy rastaı alasyz», dedi Á.Turysov.

Halyq arasynda keń taral­ǵan Telegrammdaǵy eGov boty arqyly búginde 15 qyzmet tú­rin lezde ári esh qıyndyqsyz alýǵa bolady. Dál osyndaı júıe Vkontakte jáne Feısbýk sııaq­ty áleýmettik jeli­lerge de engizildi.

«Azamattarǵa arnalǵan úki­met» AQ basqarmasynyń tóraǵa­sy Ásemgúl Baltasheva aldaǵy ýaqytta birqatar qyzmettiń «belsendi» bolatynyn, ol úshin azamattarǵa tek sms-habar­la­maǵa jaýap berý qajettigin aıt­ty.

«Budan ózge, bala týýdy tirkeý, nekeni tirkeý nemese buzý, bala asyrap alý qyzmetterin ózińiz qalaǵan HQO-dan alý múmkindigi paıda bolady», dedi Á.Baltasheva.

Bıylǵy kúzdiń sıfrlyq jańa­lyq­­taryn salyq tólem­derin júıeli túrde jeńildetý jumystary túıin­dep berdi. Qarjy vıse-mınıstri Rýslan Eńsebaevtyń aıtýynsha, azamat­tarǵa salyq tólemderi týraly al­dyn ala habar berý qyzmeti iske qosylǵan.

«Salyqty tóleý de jeńil­detildi. Burynǵydaı salyq organ­darynyń kodtaryn engizýdiń qa­jeti joq, tek saýsaǵyńyzben bir ret basa otyryp, banktik qol­dan­balar arqyly salyq tóleı alasyz. Mundaı fýnksıonal Kaspi bankte iske asyryldy, al jaqyn arada «Halyq banki» iske qosady», dedi R.Eńsebaev.

Munyń bári halyqtyń ýaqytyn únemdep, jumysyn jeńildetýge yqpal etpek. Eń bastysy, kez kelgen ýaqytta, eshqaıda shyqpaı-aq qalaǵan qujatyńyzǵa qol jetkize alasyz.