Jarnama taqtaıy
Jumysynan sharshap shyqqan Kesteń jigit aıaldamaǵa kep toqtady. Dál sol jerdegi bir jańa ilingen qaǵazǵa kózi tústi. Túk jyrtylmaǵan, jańa. Talǵamy joǵary Kesteń bul jarnamaǵa kóz júgirtip, oqymaq bolyp kózindegi kózildirigin tómendeý túsirdi. Kesteńdi joǵarydaǵy úlken shrıfttegi sóz tań qaldyrdy. Tipti shoshytty. «MIYMDY SATAMYN». Kesteńdi bul úlken jazýlar sońyna deıin oqýǵa qyzyqtyrdy.
«Qoqys ispettes. Ishinde kerek emes estelikter kóp, biraq olardy laqtyrýdy qııanat dep esepteıdi.
Kúnáhar. Denege jaman oıdy jiberip, «nápsiden ǵoı» dep ózin kóp jubatady. Jamandyqty da aıamaı jasaýǵa ıtermeleıdi.
Qııalı. Kóp oılanyp kóp saýalǵa jaýap tapqan tálpish mı dep oılamańyz. Kóp oılanǵannan, «Qudaı Álemdi jaratty, al Qudaıdy kim jaratty?» degen patýasyz suraqty oılap tapty.
Júıesiz. О́zi birtúrli júıemen jumys jasaıtyndyqtan, ómirlik prınsıpteri de birtúrli. Sol úshin onymen jumys jasaý aýyr bolady.
Eń bastysy! «Júrekke baǵyný» degen vırýs kirgendikten, antıvırýs tabý qıyn bop tur. Eger sezimdi aqylǵa baǵyndyra alamyn degen jan bolsańyz, satyp alýyńyzǵa túk qarsy emespin».
Habarlandyrýdyń basty mátini aıaqtalǵan, al tómende jarnama berýshiniń aty-jóni men meken-jaıy jazylǵan:
«Jermen Jeksen. №2 qalalyq jyndyhana».
Dana ASYLBEKOVA