Qazaqstan Respýblıkasynyń Shveısarııa Konfederasııasyndaǵy Elshisi Álibek Baqaev Federaldyq Prezıdent Ýlı Maýrerge senim gramotalaryn tapsyrdy. Bul týraly Syrtqy ister mınıstrliginiń baspasóz qyzmeti habarlady.
«Saltanatty kezdesý barysynda taraptar eki el arasyndaǵy dostyq qatynastar damýynyń joǵary deńgeıin atap ótip, aldaǵy ýaqytta josparlanǵan ekijaqty is-sharalar kestesin, sonyń ishinde keleshektegi ekijaqty joǵarǵy deńgeıdegi is-saparlardy jáne 2019 jylǵy 28 qazanda Bern qalasynda ótetin Saýda-ekonomıkalyq yntymaqtastyq jónindegi Qazaqstan-Shveısarııa úkimetaralyq komıssııasynyń kezekti otyrysyn talqylady», delingen habarlamada.