Nur-sultan qalasynda Indýstrııa jáne ınfraqurylymdyq damý mınıstri Beıbit Atamqulovtyń tóraǵalyǵymen "Báıterek "UBH"AQ qyzmetiniń nátıjelerin tyńdaý ótti. Keńeske Qazaqstan Respýblıkasynyń IIDM, Holdıng jáne onyń enshiles uıymdarynyń basshylary qatysty. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.
«Báıterek «UBH» AQ Basqarma tóraǵasy Aıdar Áriphanov óz sózinde atap ótkendeı, Holdıng korporatıvtik basqarýdyń ozyq standarttaryna sáıkes keletin Úkimettiń negizgi ınstıtýty bolyp tabylady. Ol ártaraptandyrý, ınnovasııalardy qoldaý, eksportty damytý, eńbek ónimdiligin ulǵaıtý jolymen Qazaqstan ekonomıkasyn ornyqty damytý jónindegi mindetterdi iske asyrýdy qamtamasyz etedi. Holdıng «Nurly jol», «Nurly jer», IIDMB, «Bıznestiń jol kartasy-2020», «Eńbek» syndy negizgi memlekettik baǵdarlamalarynyń operatory bolyp tabylady.
Keńes barysynda birqatar beıindi baǵyttar boıynsha Holdıng jumysynyń nátıjeleri aıtyldy. Atap aıtqanda, «Nurly jol» ınfraqurylymdyq damý baǵdarlamasy aıasynda 93 iri bıznes jobasy qoldaý tapty (onyń ishinde 48 eksportqa baǵyttalǵan), ShOB salasynda 2510 joba, 15771 avtonesıe berildi, 17 eksporttaýshyǵa kómek kórsetildi.
«Nurly jer» turǵyn úı qurylysy memlekettik baǵdarlamasyn júzege asyrýdyń arqasynda Qazaqstandyq ıpotekalyq kompanııa men «Báıterek development» AQ quraldary arqyly 3,1 mln sharshy metrden astam turǵyn úı tapsyryldy - bul 52358 páter. Halyqqa 86,9 mlrd teńgege 10400 jeńildikti turǵyn úı zaemy berildi, 120 mlrd teńgege 33 úlestik qurylys jobasyna kepildik berildi.
Indýstrııalyq ınnovasııalyq damý baǵdarlamasy boıynsha 22 iri bıznes jáne 356 ınnovasııalyq joba qoldaý tapty. «Bıznestiń jol kartasy-2020» sheńberinde 14360 ShOB jobasy sýbsıdııalandy, 5969 – kepildendirildi, 16 – lızıngtik qarjylandyrý arqyly qoldaý kórsetildi, 92 – bıznes-ınkýbatorlardy qoldaý tetikteri arqyly kómek kórsetildi.
Kezdesý barysynda «Báıterek «UBH» AQ Basqarma tóraǵasynyń orynbasary Anýar Omarhodjaev pen Basqarýshy dırektor - H oldıngtiń Basqarma múshesi Ersaın Hamıtov baıandama jasady. Sondaı-aq Holdıng pen onyń enshiles uıymdaryn damytýdyń ózekti máseleleri men aldaǵy kezeńge arnalǵan josparlar talqylandy.
Kezdesý sońynda Beıbit Atamqulov ındýstrııalyq sektordy damytýǵa erekshe nazar aýdarý qajettigin atap ótti, óıtkeni ol qoǵamdyq júıeniń ekonomıkalyq damý deńgeıine, sondaı-aq barlyq ekonomıkalyq keńistikti ındýstrııalandyrýdyń materıaldyq negizine úlken áser etedi», delingen habarlamada.