Armııa halyqaralyq oıyndarynda jaqsy nátıje kórsetkeni úshin serjant Aqjol Qosjanov II dárejeli «El qorǵany» medalimen marapattaldy. Ol 2 jyl qatarynan «Áskerı barlaý úzdikteri» saıysynda ózin komandadaǵy úzdik tehnık retinde kórsete bildi.
Qurlyq áskerleri Áskerı ınstıtýtynyń baspasóz qyzmetinen habarlaǵanyndaı, serjant Aqjol Qosjanov Qurlyq áskerleriniń Áskerı ınstıtýtynda qyzmet etedi. Ol qyzmet barysynda kýrsanttarǵa áskerı tehnıkanyń qyr-syrlaryn úıretedi. Ol tabandy, erik-jigeri mol, dittegen armanyna qol jetkize biletin adam. О́ziniń tabandylyǵynyń arqasynda halyqaralyq qazylar alqasynyń múshelerine tehnıkalyq bilimin, joǵary dárejeli sheberligin, dalalyq jáne tehnıkalyq daǵdysyn kórsetip, moıyndata bildi.
ALMATY