Birinshi orta salmaqta judyryqtasyp júrgen qazaqstandyq boksshy Madııar Áshkeev (14-0, 7 KO) argentınalyq Rodolfo Martınespen (43-9-3, 16 KO) jekpe-jek ótkizip, merziminen buryn jeńdi dep habarlaıdy Vesti.kz.
Qos boksshy AQSh-tyń Kalıfornııa shtatyndaǵy Gavaıan Gardens qalasynda 10 qarashada tańǵy ýaqytta birinshi orta salmaqta WBC (USNBC) tujyrymy boıynsha chempıondyq belbeýge talasty. Jekpe-jek barysynda Áshkeev qarsylasyn úsh ret nokdaýnǵa túsirdi, sosyn altynshy raýndta argentınalyq boksshy jekpe-jekti jalǵastyrýdan bas tartty.
Osylaısha, qazaqstandyq boksshy tehnıkalyq nokaýtpen jeńdi. Áshkeev úshin bul 14-kezdesýdegi 14-jeńis. Martınes bolsa sporttyq mansabynda toǵyzynshy ret jeńilip otyr, ol osyǵan deıin 43 kezdesý ótkizgen.