Nur-Sultan qalasynda jaryqtyń sónip qalý oqıǵasyna baılanysty brıfıng ótti.
«10 qarasha kúni saǵat 03:50 mınýtta 101 qyzmetine habarlama kelip tústi. Aldyn ala málimet boıynsha, Syǵanaq kóshesi, 12-úıdegi 5 metr elektr kabeli janyp jatqany anyqtaldy. Oqıǵaǵa baılanysty arnaıy shtab qurylyp, avarııany joıý jumystary belsendi júrgizildi», dedi Nur-Sultan qalasy Tótenshe jaǵdaı departamentiniń ókili Raıymbek Álimǵazyuly.
Sonymen qatar Nur-Sultan qalasynyń Otyn-energetıkalyq kesheni jáne kommýnaldyq sharýashylyq basqarmasy basshysy Bázil Dúısenbekuly dál qazirgi ýaqytta qaladaǵy barlyq nysandarǵa jaryq berilgenin jetkizdi.
«Arnaıy top eki kún jumys istep, avarııanyń saldaryn tolyq joıdy. Ǵımarattar men kóp qabatty keshenderdiń barlyǵyna elektr qýaty berildi. Tek «Báıterek» monýmenti men Moskva bıznes ortalyǵy jarty saǵattan keıin elektr qýatyna qosylady», dedi Bázil Dúısenbekuly.
Aıta keteıik, kabeldik jelilerdi qalpyna keltirý úshin 15 adamnan turatyn avarııalyq-qalpyna keltirý brıgadasy men 8 arnaıy tehnıka jumyldyrylǵan.