«Esil-Agronyń» ekpindi isi

Býrabaı aýdanyndaǵy «Esil-Agro» JShS-de zamanalyq taýarly-sút fermasy paıdalanýǵa berilgeli joǵary ónimdiliktegi 600 iri qara mal alyp kelingen bolatyn. Eki jyl ishinde sharýashylyq tabyny 1000 bas tólmen tolyqty.Bul fermany iske qosýǵa «QazAgroQarjy» aksıonerlik qoǵamy arqyly memlekettiń 2 mıllıard teńgege jýyq qarjysy jumyldyrylǵan. Munda sút saýý shvesııalyq ozyq jabdyqtar kómegimen avtomatty túrde atqarylady. Qazirgi tańda ár sıyrdan ortasha eseppen 6000 lıtrden astam ónim alynýda. Sońǵy bir jylda saýylǵan súttiń kólemi 2 mıllıon 700 myń lıtrge jetti. Saýyn tabynynda 1200 bas sıyr zootehnıkalyq-maldárigerlik joǵary talaptar deńgeıinde kútimge alynǵan.Jaýapkershiligi shekteýli seriktestiktiń sút zaýytynda kún saıyn 32 túrli ónim shyǵarylyp, tutynýshylarǵa joǵary sapamen usynylýda. Ujym Astananyń azyq-túlik beldeýin qamtamasyz etýge de belsendi túrde qatysady.Baqbergen AMALBEK,«Egemen Qazaqstan».Aqmola oblysy.–––––––––––––Sýrette: seriktestiktiń saýyn fermasynyń ishki kórinisi.