Polısııa ardagerlerine – erekshe syı

Tuńǵysh Prezıdent kúni qarsańynda polısııa ardager­lerine tosyn syı jasalyp, úlken qurmet kórsetildi. «Po­lısııa departamentiniń bas­tyǵy Marat Tólebaev ardagerler keńesiniń usynysyna qoldaý kórsetip, sanaly ǵu­myr­­laryn ishki ister salasyna arnaǵan 13 zeınetkerdiń jaqsylap tynyǵyp, em-dom alýyna múmkindik jasalyp otyr. Qalyptasqan dástúr al­daǵy ýaqytta da óz jalǵa­syn tabady», dedi kadrlar jó­nindegi maman Qapez Dáýlet­baev ardagerlerdi alys jolǵa shyǵaryp salý rásiminde.

Top quramynda obly­s­tyq, aýdandyq ishki ister or­gan­darynyń baıyrǵy qyz­met­kerleri bar. Almatydaǵy «Qazaqstan» sanatorııine joǵary kóńil-kúımen attan­ǵandardyń biri Sáýle Nur­m­u­qanova kóshi-qon basqar­masynda qyzmet atqarsa, Erkebulan Jamuqov pen Muh­tar Qazbekov ózderine se­nip tapsyrylǵan iske jaýap­ker­­shilikpen qarap, minsiz atqarǵan. Qaı-qaısysy bolsyn úlken mereke qarsańynda uıymdastyrylǵan saparǵa degen dán rızashylyqtaryn jasyrmaıdy. Zeınet jasyna shyqsaq ta, umytpaǵandary qýantady, deıdi olar.

Ardagerler keńesi tóraǵa­synyń orynbasary Mıhaıl Bydlyhtyń aıtýynsha, mun­daı sharalar ár merekemen oraılastyrylyp, 150-den astam joldama berilipti. Jol kórsetýge, týyndaǵan túıt­­kildi máselelerdi sheshýge kómektesý úshin depar­ta­menttiń kadrlyq saıasat basqarmasynyń ofıseri únemi birge júredi. Bul joly aqbas Alataý baýraıyna bet alǵandardyń eń úlkeni seksen­niń seńgirinen asqan.

Soltústik Qazaqstan oblysy