Jańaqorǵan aýdanynyń Qojakent jáne Sýnaqata aýyldyq okrýgterinde memlekettik-jekeshelik áriptestik sheńberinde salynǵan sport keshenderi ashyldy.
Qyzylorda oblysy memlekettik-jekeshelik áriptestikti damytý jaǵynan kóp óńirlerdiń aldynda keledi. Kásipkerlerdi iri ınvestısııalyq jobalarǵa tartýdyń arqasynda sońǵy jyldary biraz ıgilikti sharýa atqaryldy. Qos aýylda ashylyp otyrǵan sporttyq-saýyqtyrý keshenderi osy áriptestik jemisi.
Turǵyndar qýanyshyn bólisýge barǵan oblys ákimi Qýanyshbek Ysqaqov jańaqorǵandyqtardy jańa sport nysandardyń ashylýymen quttyqtap,jyly lebizin jetkizdi.
- Táýelsizdik kúni qarsańynda aýyldaǵylar úlken qýanyshqa bólenip otyr. Jyl basynda osy aýdandaǵy Súttiqudyq aýyldyq okrýginde memlekettik-jekeshelik áriptestik aıasynda sport nysany ashylsa, endi Sýnaqata men Qojakent aýyly turǵyndary osyndaı ortalyq ıgiligin kóre alady. Ondaǵan turǵyndy jumyspen qamtyp, balalardy voleıbol, boks, aýyr atletıka, qazaq kúresterine baýlıtyn jańa sport keshenderi qutty bolsyn!, - dedi oblys ákimi.
Saltanatqa jınalǵandar jańa keshendi aralap, aýyl balalaryn sportqa baýlý baǵytyndaǵy jumystarǵa rızalyq bildirdi.