2019 jyly Mańǵystaý oblysy aýmaǵynda tótenshe jaǵdaılardyń aldyn alý jáne joıý jumystaryn uıymdastyrýǵa úkimettik emes uıymdarmen birlesip birqatar jumystar uıymdastyryldy. Bul týraly Mańǵystaý oblysy Tótenshe jaǵdaılar departamenti baspasóz qyzmeti habarlady.
Is-sharalarǵa Mańǵystaý oblysynyń Tótenshe jaǵdaılar departamentimen Atameken» kásipkerler palatasy, «Jas Otan» Jastar qanaty, «Azamattyq Alıans» zańdy tulǵalar birlestigi, «Mańǵystaý oblysynyń órtten-qutqarý sporty federasııasy» qoǵamdyq birlestigi, «Balalarǵa arnalǵan densaýlyq» qoǵamdyq birlestigi, «Lýara» qoǵamdyq qory, «Alas quqyqtyq qamsyzdandyrý ortalyǵy» qoǵamdyq birlestigi, «Eko Mańǵystaý» úkimettik emes mekemesi syndy 8 úkimettik emes uıymdarmen at salysty.
Birlesip atqarylǵan jumystar nátıjesi saralanyp 2019 jylǵy Mańǵystaý oblys Tótenshe jaǵdaılar departamentiniń «Úzdik áleýmettik seriktes» ataǵyn «Nur Otan» partııasy janyndaǵy «Jas Otan» Jastar qanaty ıelendi.
«Jas Otan» Jastar qanatymen birlesip aǵymdaǵy jyly kóptegen is-sharalar uıymdastyryldy.
- Olardyń biregeıi 2019 jyldyń jylytý maýsymynda órt qaýipsizdigi men ýly gazdan saqtaný sharalaryn túsindirý boıynsha 708 turǵyndy qamtyǵan 9 aýlalardy aralaý, áleýmettik osal toptaryna jatatyn 78 turǵyndarǵa 10 reıd sharalary, órt sóndirý bólimderi men órt-tehnıkalyq ortalyqtaryna 1000 balany qamtyǵan 7 saıahat, avtokólikterdegi qaýipsizdikti qamtamasyz etýge 10 túsindirý sharalary uıymdastyryldy, ǵımarattan qaýipsiz jerge evakýasııalaýdy úıretý maqsatynda 457 adamdy qamtyǵan 5 jattyǵý jumystary, 789 adamdy qamtyǵan 21 dáris jáne áńgimelesý jumystary, Departament bazasynda 242 adamdy qamtyǵan 8 ashyq esik kúni ótti.
2019 jylǵy naýryz aıynda «Nur Otan» partııasy janyndaǵy «Jas Otan» Jastar qanatynyń volonterleriniń qatysýymen tabıǵı jáne tehnogendik sıpattaǵy tótenshe jaǵdaılardyń aldyn alý boıynsha profılaktıkalyq is-sharalar jospar-grafıgine sáıkes naýryz aıynda Mańǵystaý oblysynda Búkilálemdik Azamattyq qorǵanys kúnine arnalǵan aılyǵy atap ótildi.
Aǵymdaǵy jyldyń 18 naýryzy men 18 sáýir aralyǵynda «Tabıǵat – ómir negizi» atty aksııasy, 13 mamyrynda oıyn-saýyq ortalyqtary men saıabaqtarda ótken «Balalardy jalǵyz qaldyrmańdar» atty aksııa aıasynda profılaktıkalyq áńgimelesý ótti. Sondaı-aq 28 tamyzda «Atameken» kásipkerler palatasymen jáne «Nur Otan» partııasy janyndaǵy «Jas Otan» Jastar qanaty belsendileriniń qatysýymen saýda oryndaryndaǵy órt qaýipsizdigi taqyrybynda dóńgelek ústel uıymdastyryldy jáne 8 qazanda «Nur Otan» partııasy janyndaǵy «Jas Otan» Jastar qanaty belsendilerimen birlesip «Aqtaý» oıyn-saýyq ortalyǵynyń kınoteatr zalynda orta mektep oqýshylaryna órt qaýipsizdigi taqyrybynda túsindirý jumystary men tájirıbelik sabaqtary ótti, deıdi Mańǵystaý oblysy Tótenshe jaǵdaılar departamenti baspasóz hatshysy G.Hodjabekova.