Azamattarǵa áleýmettik-eńbek salasynyń qyzmetteri boıynsha konsýltasııa berý úshin 1411 biryńǵaı baılanys ortalyǵy 2020 jylǵy 1 qańtardan bastap jumys isteıdi. Bul týraly Eńbek jáne áleýmettik qorǵaý mınıstrliginiń baspasóz qyzmeti habarlady.
Baılanys ortalyǵynyń qyzmetkerleri jumyspen qamtý jáne jumysqa ornalasý, zeınetaqy jáne áleýmettik qamsyzdandyrý, áleýmettik saqtandyrý, eńbek qatynastary, ataýly áleýmettik kómek kórsetý, áleýmettik qyzmetter portalynyń jumysy jáne basqalary boıynsha konsýltasııalar beredi.
Esterińizge sala keteıik, «111 jedel qyzmet» baılanys ortalyǵy jabylady. Qazaqstan Respýblıkasy Eńbek jáne halyqty áleýmettik qorǵaý mınıstrliginiń quzyretine kiretin barlyq máseleler boıynsha konsýltasııa alý úshin 1411 nómirine qońyraý shalý qajet.