Oblysqa jumys saparymen kelgen Parlament Senatynyń depýtattary Bekmyrza Elamanov, Murat Baqtııaruly, Dana Nurjigit Aral aýdanyndaǵy Qamystybas, Amanótkel jáne Bógen eldi mekenderiniń turǵyndarmen kezdesti.
Kezdesý barysynda depýtattar Parlamentte atqarylǵan jumystar men qabyldanǵan zańdar jóninde aýyl turǵyndaryn habardar etip, Prezıdent Qasym-Jomart Toqaevtyń 2019 jyldyń 2 qyrkúıeginde halyqqa arnaǵan Joldaýy jaıly aıtty.
Depýtattar Joldaýda aıtylǵan máselelerdiń júzege asýy týraly da baıandady. Áleýmettik máseleler, kópbalaly otbasylarǵa beriletin járdemaqy, mindetti áleýmettik medısınalyq saqtandyrý, ataýly áleýmettik kómek júıesine engizilgen ózgerister, orta jáne shaǵyn kásipkerlikti damytý, aýylsharýashylyǵy salasy boıynsha zańǵa engizilgen tolyqtyrýlar jóninde túsindirme jasady. Sonymen qatar «Pedagog mártebesi týraly» zańǵa erekshe toqtaldy.
Jıynda aýyl turǵyndary ózderin tolǵandyrǵan ózekti máseleler jóninde usynys-pikirlerin bildirip, saýaldaryna tıisti jaýap aldy.
Senat depýtattary aýdanǵa jasaǵan saparynda «Aqlaq» sý tospasy men «Kókaral» bógetiniń jaǵdaıymen de tanysty.