Qalalyq ákimdikte oblys ortalyǵyn kóriktendirý jumystary týraly máseleler talqylandy.
Jıynǵa memlekettik organdardyń basshylary, kommýnaldyq qyzmet salasy, qoǵamdyq uıymdardyń ókilderi de qatysty.
Qala ákimi Qaırat Núkenovtiń aıtýynsha, 1,2 mlrd teńgege bıyl 36 kóshege asfalt tóselmek.
Jaryq shamdaryn ornatýǵa bir mıllıardtan astam qarjy kerek.
Sonymen qatar Amangeldi kóshesin 1 maı kóshesinen Nazarbaev dańǵylyna deıin, Dımıtrov kóshesin Qamzın kóshesinen Pavlov kóshesi aralyǵynda keńeıtilmek.
Al Abaıdyń 175 jyldyǵyna oraı oblys ortalyǵynda aqynnyń aty berilgen eleýsizdeý qalǵan kóshe tolyq abattandyrylyp, kóriktendirilmek.
- Bul jumys úshin siz jeke jaýap beresiz, - dedi qala ákimine oblys ákimi Bolat Baqaýov. – Kósheni ǵana kóriktendirip qoımaı, kóshe boıynda ornalasqan jer úılerdiń syrtqy kelbetine de mán berý kerek. Ol úshin ár úı ıesimen jeke sóılesip, osy máseleni talqylaý qajet. Turǵyndar óz úıleriniń qaqpasy, qorshaýy, shatyrlaryn jóndeýleri qajet. Bir aıdyń ishinde Abaı kóshesin kóriktendirý jumystary boıynsha naqty konsepsııa jasalsyn.
Budan bylaı Bolat Baqaýov oblys ortalyǵyn kóriktendirý jumystary týraly jınalystardy aı saıyn ótkizip turatynyn málim etti.
– Pavlodar – bizdiń ortaq úıimiz, ony kóriktendirý jumystaryna bılik te, qoǵam ókilderi de, kásipkerler men turǵyndar da birdeı atsalysýlary qajet.
PAVLODAR
Sýretterdi túsirgen Valerıı Býgaev