О́tken jaz boıy Taldyqorǵan qalasynyń turǵyndary úı tonaýshylardan ábden zárezap bolǵan edi. Jeke úılerdiń qaraýsyz qalǵan sátin qalt jibermegen ury tereze men esikti buzyp kirip, qolǵa ilikkenniń barlyǵyn úptep ketip otyrǵan.
Osylaısha ákki urynyń kesirinen otyz úı tonalyp, joǵalǵan zat pen aqsha, áshekeı buıymdardyń quny 1 mln teńgege jetken. Turǵyndardy qan qaqsatqan qaskóıdi quryqtaý úshin oblystaǵy úzdik tártip saqshylarynan arnaıy top ta quryldy. Iske jumyldyrylǵan iz kesýshiler urlyq ornynan tabylǵan saýsaq izderin uzaq zerttep, barlyq qylmysty bir adamnyń jasaǵanyna kóz jetkizedi. Zertteýler saýsaq iziniń 28 jastaǵy buryn sotty bolǵan azamatqa tán ekenin anyqtaǵan eken.
Alaıda, Alakól aýdanynda týǵan ákki uryny ustaý ońaı bolmady. Turaqty tirkeýi joq qylmysker oblys aýmaǵynda qashyp júrip, jaqynda ǵana qolǵa tústi. Tergeý kezinde ol Taldyqorǵan qalasynan 30 úıdi tonap, urlanǵan zattardy satyp 1 mln teńge paıda kórgenin moıyndady.