Qyzylorda qalasynda polıseıler aýla aralap, «Kórshiler baqylaýy» baǵdarlamasyn túsindirýde. Bul týraly oblystyq polısııa departamentiniń baspasóz qyzmeti habarlady.
Osyndaı shara oblys ortalyǵyndaǵy Abaı dańǵyly №51 úıdiń aýlasynda ótti. Onda qalalyq polısııa basqarmasynyń basshylary túrli qylmys men quqyq buzýshylyqtardyń, onyń ishinde urlyqtyń aldyn alý, tosqaýyl qoıý maqsatyndaǵy«Kórshiler baqylaýy» baǵdarlamasyn engizýdiń tártibi men tıimdiligin túsindirdi.
Olar kópqabatty úı turǵyndary óz aýlalaryna syrttan kelgen sezikti jandar, ózderi kýá bolǵan kúmán týǵyzatyn jaǵdaılar jaıly polısııaǵa jedel habarlasa, dereý sharalar qabyldanyp, urlyq ta, túrli qylmys ta azaıatynyn aıtty.
Túsindirý jumystary alda da jalǵasady.