Qazaqstannyń úshinshi raketkasy, WTA reıtınginde 73 orynda turǵan Zarına Dıas ta Melbýrnde ótip jatqan Aýstralııanyń ashyq birinshiliginiń úshinshi aınalymynda jeńlistiń kermek dámin tatty.
Bastapqy básekede Zarına WTA reıtınginde 24 orynda turǵan amerıkalyq
Amanda Anısımovadan aılasyn asyrǵan edi – 6:3, 4:6, 6:3. Kelesi kezdesýde ol reseılik Anna Blınkovadan basym tústi – 4:6, 6:4, 6:3.
Úshinshi kezeńde jerlesimizdiń joly nederlandyq Kıkı Bertenspen qıysty. Álemniń 10 raketkasyna qarsy oıynda Dıas jeńlis tapty. 1 saǵat 37 mınýtqa sozylǵan bul saıys 2:6, 6:7 esebimen aıaqtaldy.
Osylaısha, Qazaqstannyń tennısshileri úshin Avstralııanyń ashyq birinshiliginiń jekelegen saıysy aıaqtaldy. Zarına Dıastan bólek, Elena Rybakına men Iýlııa Pýtınseva úshinshi aınalymǵa deıin jetti. Al Aleksandr Býblık pen Mıhaıl Kýkýshkın tusaýkeser kezdesýlerinde súrindi. Endi biz juptyq oıyndardyń nátıjelerin kútemiz.