Demokratııanyń aıqyn kórinisi
Keshe Atyraý oblysynyń 72 okrýgine ákim saılandy
Ne nárseniń de bolǵanynan boladysy qyzyq qoı. Aýyl ákimderin saılaý ótedi degeli beri Atyraýdaǵy el-jurt ta eleńdep qaldy. Muny bir jaǵynan demokratııalyq damýdyń jarqyn belesine balaıtyndar kóp. О́ıtkeni, buǵan deıin aýyl ákimderi taǵaıyndaý arqyly qyzmetke alynsa, endi bári basqasha sıpat alǵaly tur. О́zge óńirler sekildi munaıly óńirde de aýyl ákimi bolýǵa ynta tanytqandar az bolmady. Olaı deıtinimiz, óńirdegi 72 okrýgten 214 úmitker saılaýǵa qatysýǵa nıet bildirdi. Sonyń ishinde keshe ózimiz kýá bolǵan Mahambet aýdanyndaǵy aýyldar ákimine 30 úmitker tirkelipti.
Demokratııanyń aıqyn kórinisi
Keshe Atyraý oblysynyń 72 okrýgine ákim saılandy
Ne nárseniń de bolǵanynan boladysy qyzyq qoı. Aýyl ákimderin saılaý ótedi degeli beri Atyraýdaǵy el-jurt ta eleńdep qaldy. Muny bir jaǵynan demokratııalyq damýdyń jarqyn belesine balaıtyndar kóp. О́ıtkeni, buǵan deıin aýyl ákimderi taǵaıyndaý arqyly qyzmetke alynsa, endi bári basqasha sıpat alǵaly tur. О́zge óńirler sekildi munaıly óńirde de aýyl ákimi bolýǵa ynta tanytqandar az bolmady. Olaı deıtinimiz, óńirdegi 72 okrýgten 214 úmitker saılaýǵa qatysýǵa nıet bildirdi. Sonyń ishinde keshe ózimiz kýá bolǵan Mahambet aýdanyndaǵy aýyldar ákimine 30 úmitker tirkelipti.
Negizinen aýyl sharýashylyǵy salasyn damytýǵa bet burylǵan bul aýdanda 10 okrýg bar. Aýdan ortalyǵymen birge, aýyldarda halyq sany artyp keledi. Okrýgterdiń bireýinen ózgesi Jaıyq ózeni jaǵasyna taıaý ornalasqan. Osy okrýgterden aýdandyq máslıhatqa saılanǵan 12 depýtat aýyl ákimderin tańdady. Saılaý bastalar aldynda Mahambet aýdandyq aýmaqtyq saılaý komıssııasynyń tóraǵasy Marat Myrzashev daýys berý tártibin túsindirip ótti.
Daýys berý kóp ýaqyt ala qoıǵan joq desek te, bir saǵattan astamǵa sozyldy. Ár depýtat ózi qalaǵan úmitkerge daýys berip, ózderin aýdandyq máslıhat depýtattyǵyna saılaǵan halyqtyń atynan tańdaý jasady. Bizben tildesken Mahambet aýdandyq máslıhaty depýtattarynyń biri – Aqturlan Ermanov: «Búgin men eń bir jaýapty sátti bastan ótkerdim. Maǵan júktelgen jaýapkershiliktiń jeńil emesin sezindim. Aýyl ákimderin tańdaý úshin aldymen olardyń baǵdarlamasymen jete tanystym. Bári de bizdiń aýdannyń turǵyndary bolǵanymen, olardyń arasynan aýyl adamdarynyń áleýmettik jaǵdaıynyń jaqsarýyna yqpal etetin, óz isine jaýapkershilikpen qaraıtyn isker úmitkerlerdi tańdaý ońaı bolmady. О́ıtkeni, aýyl ákimderine júkteler jaýapkershilik burynǵydan da eselene artyp otyr. Qashanda el-jurtpen etene jumys jasaý ekiniń biriniń qolynan keletin jumys emes», dedi.
Mahambet aýdanyndaǵy saılaý úderisin tórt baıqaýshy jiti baqylap otyrdy. Daýys sanaý barysy da baıqaýshylardyń nazarynan tys qalǵan joq. «Eko» qoǵamdyq birlestigi atynan qatysqan baıqaýshy Maks Boqaev: «Bul jaqsy qubylys. Saılaý zańǵa saı ótti», dep túıindedi óz oıyn. Aýdandyq ardagerler keńesiniń tóraǵasy Násipqalı Sámenov: «Saılaý zań sheńberinde ótti. Endigi jaýapkershilik 12 depýtatymyzda, olar ákimderdi durys tańdady ma, joq pa, ony ýaqyt kórsetedi. Jalpy, eldiń kadr tańdaý jónindegi alǵashqy bolsa da jaqsy bastamasy qýantady», dedi. Al baıqaýshy Qajymuqan Esqalıev elimizde aýyl ákimderin saılaýdyń ashyq ótkenine kóńil aýdardy.
Aýdandyq aýmaqtyq saılaý komıssııasynyń músheleri saılaý bıýlletenderin muqııat sanady. Ár úmitkerge berilgen daýystan qate ketpeýine erekshe kóńil aýdardy. Daýys sanaý, soǵan sáıkes hattama toltyrylǵannan keıin Mahambet aýdandyq aýmaqtyq saılaý komıssııasynyń tóraǵasy Marat Myrzashev ár úmitkerdiń qansha daýys alǵanyn jarııa etti. Nátıjesinde aýdandaǵy on okrýgtiń ekeýine jańa ákim tańdaldy. Sóıtip, aýdandyq máslıhat depýtattary Aqtoǵaı jáne Esbol selolyq okrýgterine Orynsha Qaırekesheva men Mereke Ádilǵalıevti tańdady. Atalǵan okrýgter úshin jańa ákim retinde tańdalǵandardyń biri – Orynsha Qaırekeshevanyń buǵan deıin de bul qyzmette tájirıbe jınaǵanyna kóńil aýdarylǵan sekildi. Al Mereke Ádilǵalıev osy ýaqytqa deıin aýdannyń bilim berý salasynda jumys jasaǵan eken. Qalǵan segiz okrýgti burynǵy ákimder basqara beretin boldy.
Burynǵy ákimder demekshi, olardyń arasynan Saraıshyq selolyq okrýginiń ákimi Almajaı Mástekova eń kóp daýys jınady. A