75 mıllıon 300 myń teńge jáne 272 myń AQSh dollary kóleminde para alǵan ulttyq kompanııa basshysy qamaýǵa alyndy
75 mıllıon 300 myń teńge jáne 272 myń AQSh dollary kóleminde para alǵan ulttyq kompanııa basshysy qamaýǵa alyndyQarjy polısııasynyń qyzmetkerleri asa iri kólemde para alǵany úshin «Qazaqstan Ǵarysh Sapary» ulttyq kompanııasynyń prezıdentin qamaýǵa aldy. Bul týraly Ekonomıkalyq qylmysqa jáne sybaılas jemqorlyqqa qarsy kúres agenttiginiń baspasóz qyzmeti habarlady.«2013 jylǵy 1 tamyzda Qarjy polısııasy agenttiginiń qyzmetkerleri asa iri kólemde para aldy degen kúdikpen «Qazaqstan Ǵarysh Sapary» ulttyq kompanııasy» AQ prezıdenti Ǵ.Myrzaqulovty ustady», delingen paraqshada.Ustalǵan tulǵaǵa jalpy quny 15 mlrd. teńgeden asatyn Ǵarysh tehnıkasynyń arnaıy konstrýktorlyq-tehnologııalyq bıýrosyn qurastyrý-synaý kesheniniń qurylys jumystaryn satyp alý konkýrsynda «Qulager» qurylys kompanııasy» JShS múddelerine áreket etip, sol úshin atalǵan kásiporynnyń basqarma tóraǵasy T.Egenbaevtan senimdi adamy E.Asylbekov arqyly 272 myń AQSh dollary jáne 75 mln. 300 myń teńge kóleminde para aldy degen aıyp taǵylyp otyr.Qazir «Qulager» QK» JShS basshysy T.Egenbaev pen «Suńqar Kúzet» JShS dırektory E.Asylbekov te ustaldy. Egenbaev asa iri kólemde para berdi dep, al Asylbekov para alýǵa kómektesti dep aıyptalyp otyr. «3 tamyzda Myrzaqulov pen Asylbekov sot sanksııasymen qamaýǵa, Egenbaev – úı qamaýyna alyndy», dep habarlaıdy agenttiktiń baspasóz qyzmeti. Qazir atalmysh qylmystyq is tergelý ústinde. Budan basqa aqparat tergeý múddesine oraı jarııalanbaı otyr.
Qurysh NURYMBET.