Kóp jyl ustaz bolǵan Sharıpa apaı zeınetke shyqsa da kitaphana men aýdandyq redaksııadan baılanysyn úzbeı keledi. Ár kezde gazet ujymyna kelip, ótken tarıh týraly jaqsy málimetter beredi. Jaqynda ol kisi úılerinde arǵy atasynan mura bolyp qalǵan qasıetti Quran men taspıhtyń bar ekenin áńgimeledi.
Kóp jyl ustaz bolǵan Sharıpa apaı zeınetke shyqsa da kitaphana men aýdandyq redaksııadan baılanysyn úzbeı keledi. Ár kezde gazet ujymyna kelip, ótken tarıh týraly jaqsy málimetter beredi. Jaqynda ol kisi úılerinde arǵy atasynan mura bolyp qalǵan qasıetti Quran men taspıhtyń bar ekenin áńgimeledi.
Sol qundy jádigerdi kórý maqsatynda apaıdyń shańyraǵyna ádeıi bas suqtyq. Úı ıesi Qurandy qasterleı ustap otyryp bylaı dedi:
– Meniń otaǵasym Isataıdyń ákesi Ibragım Mulqashev 1890 jyly dúnıege kelgen. Sonaý Keńes ókimetiniń alǵashqy ornaǵan kezeńinde Qaztalov óńiriniń mektepterinde bala oqytqan. Atamyz eskishe oqýǵa da saýatty bolǵan eken. Myna Quran men taspıh Ibragım atamyzǵa ákesinen qalǵan kórinedi. Sonda qansha jyl ótkenin esepteı berińiz. Atamyzdyń ózi ustaz bola tura, ári Keńes ókimeti tusynda qyzmet jasasa da Quran men taspıhty qasterlep ustaǵan. Qazirgi kúnde bul qundy dúnıeler bizdiń áýletimizdiń eń qasterli murasy bolyp otyr, – dep aıaqtady Sharıpa apaı óz áńgimesin.
Biz 200 jylǵa jaqyndap qalǵan qundy dúnıeni aıalaı sıpap, úı ıesimen jyly qoshtastyq.
Gúlfııa KО́ShBAEVA.
Batys Qazaqstan oblysy,
Qaztalov aýdany.