Fýtboldan Qazaqstan ulttyq quramasynyń kapıtany Baýyrjan Islamhan Birikken Arab Ámirlikteriniń «Ál-Aın» klýbyna aýysty.
Klýbtyń Twitter-degi resmı akkaýntynda «Qosh keldiń, Islamhan!» degen atpen shaǵyn vıdeorolık jarııalandy.
Osylaısha, Birikken Arab Ámirlikteriniń «Ál-Aın» klýby fýtboldan Qazaqstan ultyq quramasynyń burynǵy kapıtany Baýyrjan Islamhandy óz oıynshysy retinde resmı túrde tanystyrdy.
Aıta keteıik, «Ál Aın» – BAÁ-niń 13 dúrkin chempıony. 2018 jyly arab komandasy klýbtar arasyndaǵy álem chempıonatynyń fınalynda óner kórsetip, «Real» (Madrıd) komandasyna 1:4 esebimen jol bergen bolatyn.
Baýyrjan Islamhan Almatynyń «Qaırat» komandasynda 2013 jyldan bastap óner kórsetip keldi. О́tken maýsymnyń sońynda kelisimshartynyń aıaqtalýyna oraı komandadan ketti. Osy jyldyń basynda Reseıdiń «Zenıt» komandasynyń sapynda oqý-jattyǵý jıynyn ótkizgen.