Qaraǵandynyń «Shahter» komandasy Tırana qalasynda Albanııanyń «Skenderbeý» klýbymen ótken kezdesýde eki oıynnyń nátıjesi boıynsha Chempıondar lıgasynyń pleı-off kezeńine shyqty.
Bul kezdesýde áýeli Sergeı Hıjnıchenkonyń esepti ashýǵa múmkindigi bolǵan. Ol alańnyń ortasynan ádemi shyǵarylǵan pasty utymdy paıdalansa da, sol qaptaldan jalǵyz ózi qaqpashymen birde-birge shyǵyp, dop soǵýǵa múmkindikti jiberip aldy. Dop qaqpanyń sol jaq buryshynyń janynan ótip, qıys ketti. Osydan keıin alań ıeleri shabýyldy údete túsip, birinshi taımda birden úsh gol saldy. Aldymen, 9-mınýtta Tomıch esep ashty. Ol «Shahterdiń» aıyp alańynda qorǵaýshylardyń bir-birin túsinbeýshiligin paıdalanyp, bar-joǵy bir metrden gol soqty. Osy oıynda Kýmykovtyń bir qateligi, birinshi taımda bes birdeı qorǵaýshyny alańǵa shyǵarǵandyǵy dep oılaımyz. Osynyń saldarynan albandar shabýyldy jıiletip, Mokınniń qaqpasynabirinen soń bir qaýipti jaǵdaılar týǵyzyp otyrdy. Qaqpany alystan da jaqynnan da kózdedi. Sondaı sátterdiń birinde alań ıeleri aıyp dop alańynda eki ret qulap, penaltı soǵýǵa múmkind-ik aldy. Albandardyń shabýylshysy Shkembı bul eki múmkindikti de 20 jáne 29mınýttarda qur jibergen joq. Esep - 0:3.
Osydan soń «Shahter» esin jıyp, qarymta shabýyldarǵa shyǵyp, birinshi taımnyń sońynda esepti qysqartty. Bizdiń jaqtan goldy Sergeı Hıjnıchenko soqty. Al ekinshi taımda Malyıdyń ornyna alańǵa shyqqan Maqsat Baıjanov ózine kelgen múmkindikti múlt jibergen joq. Osylaısha bizdiń oıynshylar syrt alańda jeńilse de kelesi kezeńge ótýge múmkindik aldy. Qorytyndy esep – 3:2 Match «Skanderbeýdiń» paıdasyna sheshilgenimen, otandastarymyz eki oıynnyń qorytyndysy boıynsha Chempıondar lıgasynyń kelesi kezeńine joldama aldy.
«Skenderbeý» (Korcha, Albanııa) — «Shahter» (Qaraǵandy) – 3:2
Tırana. «Kemal Shtafa» stadıony.
Bas tóreshi: Ivan Krýjlıak (Slovakııa).
«Skenderbeý»: Shehı, Arapı, Ademır (Fagý, 85), Radash, Gvozdenovıch, Orelesı, Tomıch (Abazı, 61), Lılıaı, Morına (Eıýpı, 64), Shkembı, Peıch.
«Shahter»: Mokın, Vasılevıch, Poryvaev (Tarasov, 61), Djıdıch, Malyı (Baıjanov, 46), Sımchevıch, Vıchıýs, Kazarıan, Kanıas, Fınonchenko, Hıjnıchenko (Zenkovıch, 72).
Birinshi oıyn – 0:3.
Goldar: Tomıch (9), Shkembı (20, 29 ekeýi de - penaltı) — Hıjnıchenko (38), Baıjanov (67).
Eskertýler: Tomıch, 59 — Vasılevıch, 20. Malyı, 29. Djıdıch, 45.
Oıynnyń 54-mınýtynda Peıch alańnan qýyldy.
«Skenderbeý» — Shahter» kezdesýiniń statıstıkasy:
Dop ıelený kórsetkishi: 53% — 47%
Qaqpaǵa soqqy: 9 — 10
Qaqpaǵa týra soqqy: 6 — 4
Tártip buzý: 2 — 10
Ofsaıd: 1 — 4
Buryshtama doptary: 2 — 0
Sary qaǵazdar: 1 — 3
Qyzyl qaǵaz: 1 — 0.
Dastan Kenjalın.