Oraza aıt meıramy elimizde musylmandardy ǵana emes, kúlli qazaqstandyqtardy biriktire túsedi

Qazaqstan Respýblıkasynyń Prezıdenti Nursultan Nazarbaevtyń Oraza aıt merekesimen quttyqtaýy

Qurmetti otandastar!

Qazaqstan Respýblıkasynyń Prezıdenti Nursultan Nazarbaevtyń Oraza aıt merekesimen quttyqtaýy

Qurmetti otandastar!

Barsha qazaqstandyqtardy musylman áleminiń eń bir qasterli merekesi – Oraza aıt meıramynyń bastalýymen shyn júrekten quttyqtaımyn!

Qasıetti Ramazan aıy aıaqtal­ǵa­nyn bildiretin bul mereke – ıs­lamnyń ǵasyrlar boıǵy ıgi dástúriniń, onyń mańyzdy rýhanı qundylyǵy bolǵan keńpeıildiń, jaqsylyq pen meıirimdiliktiń kórinisi.

Álemniń barsha musylmandary múbárak Ramazan aıynda óz­deri­niń sanasy men júregin jaman oı, jat pıǵyldan aryltady. Oraza aıt ımandy kúsheıtip, azamat­tarymyzdy qaıyrymdy is jasaýǵa, jaqynyna kómektesip, muqtajdarǵa qolushyn berýge, qonaqjaılylyq pen jomarttyq kórsetýge jigerlendiredi.

Halqymyz ıslam tatýlyq pen taǵattylyqtyń, jasampazdyq pen jarasymdylyqtyń dini ekenin árdaıym óz isimen kórsetip keledi. Oraza aıt meıramy elimizde musylmandardy ǵana emes, kúlli qazaqstandyqtardy biriktire túsedi.

Qazaqstan halqy óz jerine degen zor súıispenshiligimen, danalyǵymen, eńbekqorly­ǵy­men, úlkenge qurmetimen, aınalasyna qam­qor­lyǵymen erekshelenedi. Táýelsiz elimiz óziniń baı rýhanı murasyn, qaıtalanbas tarıhı, mádenı jáne dinı dástúrlerin oryndy maq­tanysh etedi.

Olardy damyta otyryp, biz qoǵamdaǵy ult­tyq mádenı jáne rýhanı alýandylyqty saq­taýǵa, azamattar arasyndaǵy ózara qurmet pen­ senimniń nyǵaıýyna odan ári yqpal etýimiz qajet.

Osynaý qasterli kúnde men barsha qazaq­standyqtarǵa rýhanı kúsh-jiger, jarqyn kóńil, tabys, zor densaýlyq jáne baq-bereke tileımin!

Qasıetti Oraza aıt merekesi aramyzdaǵy yntymaǵymyzdy nyǵaıtyp, shańyraǵymyzǵa beıbitshilik pen mol ıgiligin ákelsin!