Qazaqstan kóshbasshy retinde tanymal

Jaqynda Qazaqstannyń Japonııadaǵy elshisi Aqylbek Kamaldınov Hırosıma qalasyna tastalǵan atom bombasynan qaza tapqandardy eske alýǵa arnalǵan 68-shi beıbitshilik sharasyna, Atom jáne sýtegi bombalaryna qarsy dúnıejúzilik konferensııaǵa, sondaı-aq, «Beıbitshilik úshin merler» atty 8-shi Halyqaralyq qozǵalysynyń bas konferensııasyna qatysty, dep habarlady SIM-niń baspasóz qyzmeti.

Jaqynda Qazaqstannyń Japonııadaǵy elshisi Aqylbek Kamaldınov Hırosıma qalasyna tastalǵan atom bombasynan qaza tapqandardy eske alýǵa arnalǵan 68-shi beıbitshilik sharasyna, Atom jáne sýtegi bombalaryna qarsy dúnıejúzilik konferensııaǵa, sondaı-aq, «Beıbitshilik úshin merler» atty 8-shi Halyqaralyq qozǵalysynyń bas konferensııasyna qatysty, dep habarlady SIM-niń baspasóz qyzmeti.Dúnıejúzilik kon­fe­ren­sııa­­nyń ashylý rásiminde A.Ka­maldınov qatysýshylarǵa Qazaqstan Prezı­dentiniń arnaıy joldaýyn oqyp berdi.«Qazaqstandyqtar úshin ıad­rolyq polıgonnyń jabylýy erkindik pen danalyqty, bola­shaq­qa degen senimdi aıǵaq etken tarı­hı sheshim. Biz óz isimizben álem­ge beıbitshilikke aparar joldy kórsete bildik», delingen joldaýda. Atalǵan sharalar barysynda elshi jańadan taǵaıyndalǵan Japonııa Parlamenti keńesshiler palatasynyń prezıdentimen, Hırosıma qalasynyń merimen, «Beıbitshilik úshin merler» atty qozǵalystyń prezıdentimen, Na­gasakı qalasynyń merimen, sondaı-aq, Hırosıma qalasynyń mádenıet jáne beıbitshilik qorynyń tóra­ǵasymen kezdesti. Sonymen qatar, A.Kamaldınov 9 tamyzda Nagasakı qalasyna tastalǵan atom bombasynan qaza tapqandardy eske alýǵa arnalǵan beıbitshilik sharasyna da qatysady.Qazaqstan Japonııada óńirlik jáne ǵalamdyq qaýipsizdikti qam­ta­masyz etýge baǵa jetpes úles qo­syp kele jatqan el retinde, qa­rý­syzdaný jáne ıadrolyq qarýdy taratpaý salasyndaǵy kóshbasshy retinde tanymal.

«Egemen-aqparat».