Jyǵylǵan kúreske toımaıdy

Qazaqstan Álıevtiń týystarymen bolǵan sot prosesinde taǵy jeńip shyqty

Qazaqta: «Jyǵylǵan kúreske toımaıdy», degen maqal bar. Aty atyshýly Rahat Álıev týǵandarynyń shegi de, sheti de kórinbeıtin sot daýlary men olardaǵy udaıy jeńilisteri týraly estigende, osy naqyl sóz esińe eriksiz túsedi eken.

Qazaqstan Álıevtiń týystarymen bolǵan sot prosesinde taǵy jeńip shyqty

Qazaqta: «Jyǵylǵan kúreske toımaıdy», degen maqal bar. Aty atyshýly Rahat Álıev týǵandarynyń shegi de, sheti de kórinbeıtin sot daýlary men olardaǵy udaıy jeńilisteri týraly estigende, osy naqyl sóz esińe eriksiz túsedi eken.

Arbıtrajdy trıbýnal bul joly Álıev-Shoraz týystarynyń Qazaqstanǵa qarsy bergen talap-aryzdy qaraý qorytyndysynda jaýapkerdiń paıdasyna sheshim shyǵardy. Bul týraly keshe Globalarbitrationreview.com zań­ger­lik saıty habarlady. Talap-aryzdy Almaty oblysynda qus ósirýmen jáne onyń ónimderin óńdeýmen aınalysatyn «Rýbı Roz Agrıkol» JShS beripti. Al onyń ıesi Rahat Álıevtiń jezdesi Issam Hýranıdiń bıznes boıynsha áriptesi Kassem Omar Abdallah bolyp shyqty. Kompanııa 2010 jylǵy qazanda Qazaqstannan 2014 mln. dollar mólsherindegi aqsha talap etipti. Olar Rahat Álıevtiń basyndaǵy jaǵdaıǵa baılanysty memlekettik organdardyń saıası astarmen óz aktıvterin alyp qoıǵanyna shaǵym bildirdi. Shaǵym berýshiler talap-aryz berýge negiz retinde Qazaqstan men kásiporyn arasynda 1999 jyly qol qoıylǵan ınvestısııalyq kelisimshartty, sondaı-aq «Shetel ınvestısııalary týraly» zańdy alǵa tartty. Al Qazaqstan jaǵy buǵan óziniń qarsy tujyrymdaryn usyndy. Sodan keıin talap-aryz berýshi kompanııa joǵarydaǵy atalǵan somany 63 mln. dollarǵa deıin tómen túsirdi.

Arbıtrajdy sot atalmysh isti qarap, talap-aryz berýshiniń zańdy jáne ınvestısııalyq kelisimshart erejelerin qoldanýǵa qatysty negizgi tujyrymdarynyń bárin joqqa shyǵardy. Trıbýnal sot jáne basqa da shyǵyndardy óteý máse­lesin qosymsha qaraýǵa qal­dyr­dy.

Budan buryn Qazaqstan Rahat Álıevtiń taǵy bir týysy Devınchı Hýranımen arada bolǵan arbıtrajdy isti de utyp alǵan bolatyn. Sol joly Hý­ra­nı Qaratóbe ken ornyna ózi jum­saǵan mys ınves­tısııany qaı­taryp almaq bolǵan eken. Taǵy tórt jyl buryn Hýranı bas­qa­ratyn Caratube International Oil Company LLP (CIOC) kompanııasy Qazaqstannan 1,2 mlrd. dollar aqsha óndirip almaq bolyp, arbıtrajdy trıbýnalǵa shaǵym túsirgen edi. Biraq onda da eshteńe óndire almaı qoıǵan bolatyn.

Osydan keıin joǵaryda maqal­dy esińe almaı kór! Álde bul: «Atyń shyqpasa, jer órteniń ke­ri» me? Osyndaı tirlikteri arqy­ly ózderiniń áli de kúresetin qaý­qarlary bar ekenin bildirip qoıǵylary kele me eken?

Qurysh NURYMBET.