Elbasy Nursultan Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýynda «Jemqorlyq – jaı quqyq buzýshylyq emes. Ol memlekettiń tıimdiligine degen senimdi setinetedi jáne ulttyq qaýipsizdikke tóngen tikeleı qater bolyp sanalady» dep naqtylanǵan.
Elbasy Nursultan Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýynda «Jemqorlyq – jaı quqyq buzýshylyq emes. Ol memlekettiń tıimdiligine degen senimdi setinetedi jáne ulttyq qaýipsizdikke tóngen tikeleı qater bolyp sanalady» dep naqtylanǵan.
Biz bul ulaǵattyń aqıqattyǵyn naqty ómirde kórip qana qoımaı tól mindetimizge saı Memleket basshysynyń, ortalyq organdardyń tapsyrmalaryn der kezinde múltiksiz oryndap júrmiz. Negizi qarjy polısııasy organdary qyzmetiniń basym baǵyttary júıeli ári sybaılasqan jemqorlyqqa, memleket qarajatyn jymqyrý, memlekettik jáne salalyq baǵdarlamalardy paıdalaný, «kóleńkeli» ekonomıkaǵa jol ashýǵa tosqaýyl qoıý, kásipkerlik sýbektilerine negizsiz qol suǵýshylyqqa jol bermeýge, sondaı-aq, azamattardyń quqyqtaryn qorǵaýǵa baǵyttalǵan. Bul turǵyda naqty derekterge súıensek, aǵymdaǵy jyldyń 5 aıynda 254 qylmystyq is anyqtaldy. Onyń 52-si sybaılas jemqorlyq, al 137-si ekonomıka jáne qarjy salasyndaǵy zańnamany buzýshylyqqa qatysty boldy. Tergeý amaldaryn saýatty júrgizý áreketteriniń nátıjesinde óndirilgen zııan kólemi 93 paıyzǵa jetkeni dáleldendi, ıaǵnı zańsyz jolmen memleketke keltirilgen zııan kólemi 2,5 mlrd.teńge boldy. Sybaılasqan jemqorlyq sıpatyndaǵy qylmystar sany 52 bolsa, onyń 50 paıyzynan artyǵy aýyr jáne asa aýyr qylmystar sanatyndaǵy qylmysqa jatady. Osy sala boıynsha sotqa 46 is joldandy. Búgingi kúnge deıin sol qylmys saldarynan keltirilgen zııannyń 97 paıyzy óndirildi. 44 azamat sybaılasqan jemqorlyq áreketindegi qylmystary boıynsha jaýapkershilikke tartyldy. Júıeli túrdegi sybaılasqan jemqorlyqqa qatysty – 6 fakti ashylyp, 12 qylmystyq is boıynsha 13 azamat quryqtaldy. Mysaly, Talǵar qalasy ákiminiń mindetin ýaqytsha atqarǵan J.Qasymbaev qyzmettik kóliginiń júrgizýshisi arqyly aldyn ala sóz baılasyp, jeke kásipkerdiń tıimdi ornyna saýda pavılonyn ornalastyrýyna qajetti jer telimin bólgeni úshin 1 mln.teńge para alý kezinde ustaldy. Búgingi kúnniń ózekti máselesiniń biri – ekonomıkalyq kontrabanda bolyp tur. Tizbeleı bersek, ekonomıkalyq qylmystardyń zııany óreskel. Aǵymdaǵy jyldyń bes aıynda 10 ekonomıkalyq kontrabandalyq qylmystyń joly kesildi. Bul byltyrǵy jyldyń osy kezeńimen salystyrǵanda 5 esege artyq. Tólenbegen kedendik salyq kólemi 585 mln.teńge, rásimdelgen taýarlardyń quny – 309 mln.teńge boldy. Bul kórsetkish memlekettik organdardyń ekonomıkalyq kontrabandanyń jolyn kesý sharalaryn sylbyr júrgizip jatqanyn kórsetedi. Sonymen qatar, laýazymdy tulǵalar da sybaılasqan jemqorlyqqa «ózindik» úlesterin qosýda. Halyqtyń tutyný taýarlaryn ekonomıkalyq kontrabanda arqyly ótkizýmen aınalysyp júrgen «Qorǵas» kedendik baqylaý beketi qyzmetkerleri oblystyq qarjy polısııasynyń laýazymdy tulǵalaryna, osy qylmystyq topqa «qamqorlyq» jasap, oń kózben qaraýy úshin 3 500 000 teńge kóleminde para usynǵan. «Qorǵas» kedendik baqylaý beketiniń bólim bastyǵy B. jáne osy bólimniń bas mamany T. para berý kezinde ustalyp, sol kúni olarǵa QR QK 312-baby, 5-tarmaǵymen qylmystyq is qozǵalyp, qamaýǵa alyndy. Búgingi kúnde tergeý amaldary júrgizilýde. QR Ulttyq qaýipsizdik komıteti shekara qaýipsizdigi № 2088 áskerı bóliminiń kishi baqylaýshysy, vzvod komandıri, kapıtan F.Syrtaev QR Áskerı sotynyń úkimimen QR QK 209-baby, 2-tarmaǵy, 380-baby, 1-tarmaǵy, 312-baby, 4-tarmaǵy boıynsha keden baqylaýy beketi arqyly taýardy jasyryn ótkizip, kedendik tólemderdi tóleýden bosatqany úshin kináli dep tanylyp, 7 jylǵa bas bostandyǵynan aıyrylyp, múlki tárkilendi. Qylmysker quryqtalǵan kezinde jaýapkershilikke tartylmaý úshin qarjy polısııasy qyzmetkerlerine 5100 AQSh dollaryn jáne 135 myń teńgeni para retinde usynǵan. Memlekettik «Aqbulaq», «Balapan», «100 mektep 100 aýrýhana», «Qol jetimdi turǵyn úı -2020» baǵdarlamalaryn is júzine asyrý barysynda zańsyzdyqtarǵa jol bergen tulǵalarǵa qatysty 28 qylmystyq is qozǵaldy. Aımaqtyń ındýstrııalandyrý kartasyn júzege asyrýda ınvestısııalyq jobalar sheńberinde memlekettik damý ınstıtýttary arqyly bólingen qarajattardy tekserý barysynda 4 qylmystyq is qozǵaldy. Ony