● Bir ózi eki altyn aldy. Soltústik Irlandııanyń astanasy Belfast qalasynda ótip jatqan XV Dúnıejúzilik polıseıler men órt sóndirýshiler oıyndarynda Qazaqstan quramasynyń kapıtany Serik Nurǵalıev eki birdeı altyn medal jeńip aldy.
Ol benchpress (jatyp syǵymdap kóterý) jáne pýshpýllıftıng (kúshtik qossaıys) túrlerinde úzdik nátıje kórsetti.
● Bir ózi eki altyn aldy. Soltústik Irlandııanyń astanasy Belfast qalasynda ótip jatqan XV Dúnıejúzilik polıseıler men órt sóndirýshiler oıyndarynda Qazaqstan quramasynyń kapıtany Serik Nurǵalıev eki birdeı altyn medal jeńip aldy.
Ol benchpress (jatyp syǵymdap kóterý) jáne pýshpýllıftıng (kúshtik qossaıys) túrlerinde úzdik nátıje kórsetti.
● Myqtylar tizimi jarııalandy. Jaqynda Búkilálemdik velosport odaǵynyń (UCI) jańa reıtıngisi jarııalandy. Onda jekelegen velosportshylar tizimin bıylǵy jylǵy «Týr de Frans» kópkúndiginiń jeńimpazy brıtandyq Krıstofer Frým bastady.
«Astana» komandasynyń úzdik veloshabandozy Vınchenso Nıbalı 8-orynǵa ornalasty. Komandalar arasynda «Astana» 5-orynǵa jaıǵasty.
● Golovkınge qarsylas tabylmaı jatyr. WBA/IBO tujyrymdary boıynsha orta salmaqtaǵy álem chempıony Gennadıı Golovkınniń kelesi qarsylasy 28 jasar amerıkalyq Kertıs Stıvens bolýy múmkin delinýde.
● Jalqy altyn júlde. Bolgarııanyń astanasy Sofııa qalasynda estý qabileti tómen sportshylar arasynda ótken dúnıejúzilik jazǵy sýrdolımpıada oıyndary aıaqtaldy. Onda sporttyń alty túri boıynsha synǵa túsken Qazaqstan sportshylary bir altyn júldeni ıelenip, jalpykomandalyq beıresmı esepte úzdik otyzdyqtyń qataryna endi.
Al jalǵyz altyn júldeni 60 kg. salmaqta kúresken balýanymyz Ǵabıt Esjanov jeńip aldy.
● Pervak Otanyna oraldy. Jaqynda osy kezge deıin tennısten Qazaqstan atynan jarysqa qatysqan reseılik Ksenııa Pervak Otanyna qaıta oraldy. Endi ol Reseı atynan jarystarǵa qatysatyn bolady.
Osyǵan deıin Ksenııa Pervaktyń Reseıge oralatyny jaıly Reseı tennıs federasııasy habarlaǵan edi. Biraq Qazaqstan tennıs federasııasy bul aqparattyń shyndyqqa janaspaıtynyn, Pervaktyń Reseıge ketýge eshqandaı oıy joqtyǵyn málimdegen. Alaıda...
● Balýandarymyz jattyǵý jıyndarynda. Osy kúnderi elimizdiń grek-rım jáne erkin kúresten ulttyq quramanyń keıbir músheleri Qytaıda jattyǵý jıynyn ótkizip júr.
Olardyń qatarynda Jasulan Sadyqov, Tımýr Tashmaǵambetov, Azamat Shaǵapuly, Nurǵalı Jolaev, Janbolat Maǵzumov, Abylaıhan Nursultanov, Mıhaıl Izotov bar.
● Týǵan kúnine keremet syı. Qaraǵandylyq «Shahter» klýbynyń oıynshysy Maqsat Baıjanov 6 tamyzda óziniń 29 jasqa týǵan kúninde «Skerbendeý» qaqpasyna ekinshi goldy soǵyp, óz-ózine tamasha syı jasady. Buǵan deıin «Aqtóbe» komandasynyń shabýylshysy Sergeı Grıdın de týǵan kúninde Eýropa lıgasynyń alǵashqy irikteý kezeńinde qarsylastar qaqpasyna dop soǵyp, ózine syı jasaǵan edi.
● Eń aýqatty sportshylar. Jaqynda «Forbes» jýrnalynyń 2013 jyldyń eń baı sportshysy retinde Reseı tennısshisi Marııa Sharapovanyń esimin atady. 2012 maýsym men 2013 jyldyń shilde aralyǵynda Sharapova 29 mıllıon dollar paıda tapqan kórinedi.
● Júz jyldyqtyń kúni belgilendi. Qazaq fýtbolynyń 100 jyldyq mereıtoıy atalyp ótetin kún bekitildi. Shyǵys Qazaqstan oblystyq týrızm, dene shynyqtyrý jáne sport basqarmasynyń málimetine súıensek, mereıtoı 21-22 qyrkúıekte Semeı qalasynda ótedi. Torqaly toıǵa keshegi keńestik dáýirdegi aty ańyzǵa aınalǵan «Spartak» (Máskeý), «Dınamo» (Tbılısı), «Qaırat» (Almaty), «Rýbın» (Qazan), «Vostok» (О́skemen), «Spartak» (Semeı) fýtbol klýbtarynyń ardagerleri qatysyp, Semeıdegi «Spartak» stadıonynda joldastyq kezdesýler ótkizedi.
● Kezekti týr bastalady. Voleıboldan elimizdiń áıelder qurama komandasy Búkilálemdik Gran-prı jarysyna qatysýdy odan ári jalǵastyrýda. Endi olar 9-11 tamyz kúnderi Polshanyń Plosk qalasynda ótetin jarysqa qatysady. Bizdiń qyzdar Japonııa, Germanııa jáne Polsha quramalarymen «H» tobynda baq synasady. Al 16-18 tamyz kúnderine belgilengen úshinshi týrdaǵy «K» tobynyń oıyndary Almatyda ótedi. Bul topta Qazaqstan Brazılııa, Kýba jáne Nıderlandy quramalarymen kezdesedi.
«Egemen-aqparat».