«Respýblıkalyq fıtosanıtarlyq dıagnostıka jáne boljamdar ádistemelik ortalyǵy» RMM-niń málimeti boıynsha aǵymdaǵy jyly shegirtke tektes zııankester 500 myń gektardan asa alqapqa zııan keltirýi múmkin degen boljam bar.
Zııankesterdiń túrlerimen kúresý úshin respýblıkalyq bıýdjetten 1 mlrd. teńge qarajat bólindi. Atalǵan qarajat barlyq boljamdalǵan alqapqa pestıısdterdi jáne hımııalyq óńdeýler jónindegi qyzmet kórsetýlerdi satyp alýǵa múmkindik beredi.
Ortalyq qoımada jalpy alańy 525,3 myń gektar alqapqa shegirtke tektes zııankestermen kúresý úshin pestısıdterdiń 47,5 myń lıtr qory bar.
2020 jyly shegirtke tektes zııankeske qarsy qorǵanys is-sharalaryn júrgizý úshin 148 birlik arnaıy búrikkish tehnıka, onyń ishinde 119 birlik jerústi búrikkish, 10 ushaq, 10 birlik asa jeńil áýe keme (AJÁK) jáne 9 birlik aerozoldi generator (GARD) jumyldyrylatyn bolady.
Aqparat úshin aıtar bolsaq, búgingi tańda shegirtke Shyǵys Afrıkany shyryldatyp jatyr. Shegirtkelerdiń taralýy Afrıka qurlyǵynyń kóptegen elinde jappaı asharshylyq týdyrýy yqtımal ekeni aıtylýda. BUU zııankesterdiń kóbeıýi ónimniń jáne janýarlardyń azaıýyna alyp keledi dep dabyl qaǵýda.
Elimizde shegirtke tektes zııankesterge qarsy qorǵanys is-sharalaryn ýaqytyly uıymdastyrý jumystary tolyq pysyqtalýda.