Fýtboldan Aqtóbeniń «Aqtóbe» klýby Islandııanyń «Breıdablık» komandasyn oıynnan keıingi penaltıde utyp, Eýropa lıgasynyń fınaldyq raýndyna joldama aldy.
Fýtboldan Aqtóbeniń «Aqtóbe» klýby Islandııanyń «Breıdablık» komandasyn oıynnan keıingi penaltıde utyp, Eýropa lıgasynyń fınaldyq raýndyna joldama aldy.
Match ısland eliniń astanasy – Reıkıavıktegi «Leıgardalsvedlıýr» stadıonynda ótti. Kezdesý birden tartysty bastaldy. Alań ıeleri kezdesýdiń 27-mınýtynda esep ashty. Ony komanda kapıtany Fınnýr Margeırsson óz esebine jazdy. Sóıtip, ıslandtar Aqtóbede ótken birinshi oıynnyń nátıjesine jetti. Budan keıin esepti ózgertýge eki jaqtyń da biraz múmkindikteri boldy. Áıtkenmen, alań ıeleriniń shabýyldary barynsha qaýipti bolyp jatty. Solardyń bárin qaıtaryp, qaqpaǵa dop darytpaǵan qaqpashy Andreı Sıdelnıkov erekshe kózge tústi. Sonyń arqasynda 1:0 degen esep matchtyń sońyna deıin saqtaldy.
Budan keıin qarsylastar 15 mınýttyq eki kezeńnen turatyn qosymsha taım oınap, onda jeńimpazdy anyqtaı almady. Al oıynnan keıingi penaltıde aqtóbelikter mergendik tanytty. Esep – 2:1. Munda Tımýr Kapadzeniń soqqan sońǵy doby qazaqstandyqtardy kelesi kezeńge shyǵardy.
Eske sala keteıik, munyń aldynda Aqtóbede ótken birinshi kezdesýde alań ıeleri 1:0 esebimen jeńiske jetken edi. Onda kezdesýdiń eń sońǵy mınýtynda penaltıden gol soqqan Marat Haırýllın óz komandasyna jeńis ápergen bolatyn.
Osymen bizdiń ekinshi komanda Eýropanyń klýbtyq fýtbol týrnıriniń fınaldyq kezeńine joldama alyp otyr.
Damır QOJAMQUL.