Nıý-Delıde ótip jatqan Azııa chempıonatynda Qazaqstannyń erkin kúres sheberleri úsh qola medal jeńip aldy.
65 kılo salmaqtaǵy Dáýlet Nııazbekov shırek fınalda Japonııanyń myqtysy Takýto Otogýrodan jeńildi. Úshinshi oryn úshin qandasymyz mońǵolııalyq Nııamdorj Batýlgany 4:1 esebimen utty.
70 kılo salmaqtaǵy Meıirjan Áshirov úndistandyq Naven Navendi aıqyn basymdyqpen jeńip, qorjynymyzǵa qola medaldi saldy. Esep – 12:1.
97 kılo salmaqtaǵy Álisher Erǵalı Parsy eliniń ókiline ese jibergennen keıin qyrǵyzstandyq Magomed Musaevtyń osal tusyn tapty – 11:5. Bul básekede de qola medaldiń ıegeri anyqtalady.
Al 50 kılo salmaqtaǵy Nurıslam Sanaev japonııalyq Iýkı Takahage jáne 79 kılo salmaqtaǵy Ǵalymjan О́serbaev ırandyq Álı Baqtııar Savadkoýhıge jol berip, jeńis túǵyryna kóterile almady.