Úndistannyń astanasy – Nıý-Delıde ótip jatqan Azııa chempıonatynda Qazaqstannyń erkin kúres sheberleri ekinshi altyndy qorjynǵa saldy.
Jarystyń ekinshi kúni jerlesterimiz jasyndaı jarqyrady. Sport keshenine jınalǵan myńdaǵan jankúıer Danııar Qaısanovtyń ónerine tamsanyp, qulshyna qol soqsa, kóp keshikpeı Iýsýp Batyrmurzaev qazaqtyń ánuranyn shyrqatty.
Asa aýyr salmaqta beldesken jerlesimiz tájikstandyq Farhad Anaqulov, úndistandyq Satender Satender jáne ırandyq Parvız Hadıbasmanıdy bas kótertpeı utty. Fınalda onyń joly Mońǵolııanyń myqtysy Hýderbýlga Dordjhandpen qıysty. Bul básekede de Iýsýp qarsylasyna soqyr upaı ustatpady. Osy aıqyn jeńisiniń arqasynda Batyrmurzaev Azııanyń teńdessizi dep tanyldy.