Japonııada koronavırýs taralǵan krýız laınerinde tórt qazaqstandyq Nur-Sultanǵa keldi. Bul týraly Densaýlyq saqtaý mınıstrliginiń baspasóz qyzmeti habarlady.
«Keshe 2:30-da Nur Sultan qalasyna Tokıo qalasynan 20 qazaqstandyq azamat keldi (onyń ishinde 4 adam – Diamond Princess japon laıneriniń jolaýshylary). Barlyǵy medısınalyq jáne zerthanalyq tekserýden ótý úshin aýrýhanaǵa jetkizildi. Densaýlyq jaǵdaıy qanaǵattanarlyq»,- delingen mınıstrliktiń habarlamasynda.
2020 jylǵy 6 qańtardan 23 aqpanǵa deıin elimizge 30 066 adam keldi. Búgingi kúnge deıin JRVI belgilerimen 165 adam kópshilikten oqshaýlanyp, emdeýge jatqyzyldy, onyń 158 shyǵaryldy, stasıonarlarda medısınalyq baqylaýda 7 adam qaldy.