Irannyń ulttyq quramasy 2026 jyly AQSh, Meksıka jáne Kanadada ótetin Álem chempıonatyna qatysa almaıdy. Bul týraly eldi sport mınıstri Ahmad Donıamalı málimdedi, dep jazady Egemen.kz.
TV2 telearnasynyń habarlaýynsha, eldegi kúrdeli saıası ári áskerı jaǵdaı mundaı iri týrnırge daıyndalýǵa múmkindik bermeı otyr.
«Kóshbasshymyzdyń qazasynan jáne elge qarsy jasalǵan áreketterden soń álem chempıonatyna qatysýǵa múmkindigimiz joq. Sońǵy segiz-toǵyz aı ishinde Iranǵa qarsy eki ret soǵys ashylyp, saldarynan myńdaǵan azamatymyz qaza tapty. Osy jaıttardan soń biz álem chempıonatyna qatysa almaımyz», dedi Donıamalı.
Fýtboldan 2026 jylǵy álem chempıonaty 11 maýsym men 19 shilde aralyǵynda AQSh, Kanada jáne Meksıkada ótedi.
Esterińizge sala keteıik, 28 aqpanda AQSh pen Izraıl Iranǵa áýe shabýyldaryn jasaǵan, al Islam Respýblıkasy jaýap retinde Izraılge, Parsy shyǵanaǵy elderine jáne jaqyn mańdaǵy basqa memleketterge zymyrandar men ushqyshsyz apparatardy baǵyttaǵan.