Qazaqstanda 20 tonnadan astam saıǵaq múıizderi jınaldy, olardy aýksıon arqyly satý josparlanyp otyr. Ekologııa jáne tabıǵı resýrstar mınıstri Erlan Nysanbaevtyń aıtýynsha qazirgi ýaqytta múıizder Almatyda arnaıy salqyndatqysh qoımalarda saqtaýly, temperatýra men ylǵaldylyq rettelgen. Ár múıizge jeke nómir berilgen jáne olar júıede baqylanady, dep habarlaıdy Egemen.kz.
Mınıstrdiń sózinshe, múıizder jaqyn arada satylymǵa shyǵarylady, túsken qarjy bıoalýantúrlilikti saqtaý men saıǵaqtardy qorǵaýǵa jumsalady.
«Biz nóldik kvotany joıdyq, biraq belgili bir shekteýler bar: jylyna 10 tonna ǵana satýǵa ruqsatymyz bar. Bıyl biz saýda mınıstrligimen birge satýdyń júıesin pysyqtap jatyrmyz», dedi mınıstr.
Múmkin bolatyn túsim mólsheri áli jarııalanǵan joq.
Qazaqstanda brakonerlerden myńnan astam kıik múıizi tárkilendi
Eske salsaq, 2025 jylǵy 5 jeltoqsanda Qazaqstan saıǵaq múıizderin halyqaralyq naryqta satýǵa quqyq aldy. Nóldik kvotany alyp tastaý týraly sheshim CITES konvensııasynyń 20-synshy taraptar konferensııasynda Samarqanda qabyldanǵan.
Aıta keterligi, shekteýler tek Qazaqstandaǵy saıǵaq popýlıasııasyna qatysty boldy.
Buqtyrylǵan kıik eti saýdaǵa shyqty