«Mektepke jol»aksııasy áleýmettik jaǵynan az qamtylǵan otbasy balalaryn jańa oqý jylyna daıyndaýǵa qoldaý kórsetýge baǵyttalyp otyr
Jaqynda Shyǵys Qazaqstan oblysynda 2013 jylǵy oqýmen qamtylmaı qalǵan oqýshylardy anyqtaý, sabaqqa sebepsiz jáne áleýmettik sebeptermen barmaýdyń aldyn alý, oqýshylardy jańa oqý jylyna daıyndaýǵa qoldaý kórsetýge baǵyttalǵan dástúrli «Mektepke jol» jalpyrespýblıkalyq aksııasy bastaldy.
«Mektepke jol»aksııasy áleýmettik jaǵynan az qamtylǵan otbasy balalaryn jańa oqý jylyna daıyndaýǵa qoldaý kórsetýge baǵyttalyp otyr
Jaqynda Shyǵys Qazaqstan oblysynda 2013 jylǵy oqýmen qamtylmaı qalǵan oqýshylardy anyqtaý, sabaqqa sebepsiz jáne áleýmettik sebeptermen barmaýdyń aldyn alý, oqýshylardy jańa oqý jylyna daıyndaýǵa qoldaý kórsetýge baǵyttalǵan dástúrli «Mektepke jol» jalpyrespýblıkalyq aksııasy bastaldy.
Bıylǵy jyly aksııa «Bolashaqty biz birge jasaımyz» uranymen ótip jatyr. Oblystyq balalar quqyqtaryn qorǵaý basqarmasy О́skemen qalasy ákimdigimen birlesip qaladaǵy «Jastar» saıabaǵynyń ortalyq alańynda «Mektepke jol» respýblıkalyq aksııasynyń bastalýyna arnalǵan saltanatty shara ótkizdi.
Saıabaqta án-kúı tógilip, kóńildi áýen qalqydy, tamasha kóńil-kúımen «Mektepke jol» dástúrli merekesine balalar men ata-analary, ájeleri, balalar shyǵarmashylyq ujymdary, ustazdar men qonaqtar, demeýshiler men respýblıkalyq, oblystyq, qalalyq buqaralyq aqparat quraldarynyń ókilderi jınaldy.
ShQO balalar quqyqtaryn qorǵaý basqarmasynyń basshysy A.Isaev jáne «Temirbank» AQ fılıalynyń dırektory mindetin atqarýshy L.Dorosh qatysýshylardy quttyqtap, áleýmettik jaǵynan az qorǵalǵan otbasy balalaryna oqý quraldary men portfelderdi tabys etti.
Balalar keńse taýarlary salynǵan ertegi keıipkerleri beınelengen portfelderge qýansa, ata-analary uıymdastyrýshylar men demeýshilerge balalaryn nazardan tys qaldyrmaı mektepke daıyndaýǵa kómekteskenderi úshin alǵystaryn bildirdi.
Kórermender Shyǵystyń jas daryndaryna, О́skemen qalalyq ákimdiginiń óner mektepteriniń oqýshylaryna qyzý qoldaý kórsetti.
Shara sheńberinde О́skemen qalasynyń Otbasy men balalyqty qoldaý ortalyǵynyń zańgerleri ata-analar men balalarǵa tolǵandyrǵan suraqtary boıynsha keńes berdi.
Barlyq qatysýshylar merekelik-oıyn alańynda jaǵymdy áser alyp, bos ýaqyttaryn kóńildi ótkizdi. Sharany ótkizýshiler «Kazsınk» JShS, «Evrazııa» saýda ortalyǵy, «Temirbank» AQ ShQF-ǵa qoldaý kórsetkenderi úshin alǵystaryn bildirdi.
«Mektepke jol» aksııasy boıynsha osyndaı sharalar oblysymyzdyń barlyq eldi mekenderinde ótip jatyr, sóıtip, júregi keń jomart azamattar balalardy jańa 2013-2014 oqý jylyna daıyndaýǵa belsendilikpen qatysýda.
Ońdasyn ELÝBAI,
«Egemen Qazaqstan».
О́SKEMEN.