Tamyzdyń 16-sy kúni Aqmola oblysynda oryn alǵan jol-kólik oqıǵasy saldarynan bir otbasynyń úsh birdeı adamy qaza tapty. Bul týraly Aqmola oblystyq prokýratýrasynyń baspasóz qyzmeti habarlady.
Oqıǵa Atbasar-Kókshetaý trassasy boıynda saǵat 12:00 shamasynda bolǵan. Onda «Lexus-460» jáne «VAZ-21063» kólikteriniń soqtyǵysqan. Nátıjesinde «Jıgýlıdiń» júrgizýshisi men onyń janyndaǵy eki jolaýshy til tartpaı ketken.
«Jol-kólik oqıǵasy Atbasar-Kókshetaý avtojolynyń Sandyqtaý aýdanyndaǵy Sandyqtaý selosyna jaqyn jerde tizginin Balqashıno selosynyń turǵyny A.Dokaev ustaǵan «Lexus-460» markaly avtokóliginiń qatysýymen jasaldy. Kókshetaý baǵytyndaǵy jolmen kele jatqan ol rýlinde Atbasar qalasynyń 1937 jyly týǵan turǵyny D.Karashýk otyrǵan «VAZ-21063» kóligine soqtyǵysýǵa jol berdi», - delingen habarlamada.
Jol-kólik oqıǵasynyń saldarynan «VAZ-21063» kóliginiń júrgizýshisi D.Karashýk, onyń jolaýshylary – 1942 jyly týǵan áıeli N.Karashýk, 1962 jyly týǵan uly S.Karashýk oqıǵa bolǵan jerde qaıtys boldy. ««Lexus-460» kóliginiń júrgizýshisi A.Dokaev dene jaraqatymen Sandyqtaý aýdandyq ishki ister bólimine jetkizildi. Onyń jaǵdaıy qalypty», - degendi qosy prokýratýrada.
Sultan Bozaıǵyr.