Elordanyń «Barys» hokkeı klýby Prezıdent Qasym-Jomart Toqaevtyń koronavırýs indetinen saqtaný maqsatynda el aýmaǵynda tótenshe jaǵdaı jarııalaýyna baılanysty Gagarın kýbogyna qatysýdan bas tartty. Bul týraly klýbtyń resmı saıty habarlady.
Jerlesterimiz búgin Gagarın kýbogynyń jartylaı fınalyndaǵy alǵashqy oıynyn Novosibirdiń «Sibir» komandasyna qarsy «Barys Arena» muzaıdynynda ótkizýi kerek bolatyn. Oıynǵa bir kún qalǵanda elorda klýbynyń basshylyǵy osyndaı sheshim qabyldady. «Barys» Gagarın kýbogy jarysynan bas tartqan alǵashqy komanda emes. Buǵan deıin Fınlıandııanyń «Iokerıt» klýby da koronavırýsqa baılanysty týrnırdi jalǵastyrýdan bas tartqan edi.