Álemge «pop mýzykasynyń koroli» atymen tanylǵan Maıkl Djeksonnyń ómir jolyna arnalǵan «Maıkl» atty bıografııalyq fılmniń alǵashqy tolyqqandy treıleri kórermen nazaryna usynyldy. Beınerolıkti Lionsgate kınostýdııasy jarııalady, dep jazady Egemen.kz.
Fılmniń resmı prokatqa shyǵýy 23 sáýirge josparlanǵan. Kartınada basty róldi marqumnyń jıeni Djaafar Djekson somdaıdy. Treılerden onyń ataqty aǵasynyń sahnadaǵy qımylyn, daýys mánerin jáne oryndaý stılin shynaıy jetkizýge tyrysqanyn baıqaýǵa bolady.
Eki mınýttan asatyn beınerolıkte Maıkl Djeksonnyń álemdik dańqqa jetý joly, shyǵarmashylyq qalyptasýy, alǵashqy tabystary men sahnadaǵy jarqyn sátteri kórinis tapqan. Treıler barysynda ánshiniń eń tanymal hıtteri de paıdalanylǵan. Bul kórermendi sol dáýirdiń atmosferasyna jetelep, ańyz tulǵanyń óner jolyn qaıta eske túsiredi.
Dımash pen Djekson
Fılmniń resmı sınopsısinde kartınanyń tek mýzykalyq jetistiktermen shektelmeıtini atap ótilgen. Týyndyda Djeksonnyń otbasylyq toptaǵy alǵashqy qadamdarynan bastap, álemdegi eń áıgili ártisterdiń birine aınalǵan kezeńine deıingi joly qamtylady. Sonymen qatar onyń shyǵarmashylyq ambısııasy, sahna syrtyndaǵy ómiri, jeke konsertterindegi alǵashqy qoıylymdary da keńinen kórsetiledi.
Álemdi baýraǵan daýys nemese ánshi Dımash Qudaıbergenniń ómirindegi tylsym oqıǵalar haqynda
Kartına avtorlary Maıkl Djeksonnyń óner adamy retinde ǵana emes, jeke tulǵa retindegi bolmysyn ashýǵa umtylǵan. Onyń bala kezden bastap úlken sahnaǵa deıingi kúrdeli joly, tabysqa jetý úshin jasaǵan eńbegi men jaýapkershiligi kórkem tilmen beınelenedi.